![bmw-i3-120-ah](https://camboauto.com/wp-content/uploads/2021/06/bmw-i3-120-ah-1-696x392.jpeg)
ក្រោយពីមានការលេចឭដំណឹងកាលពីសប្ដាហ៍មុនរួចមក នាពេលនេះក្រុមហ៊ុន BMW បានបញ្ជាក់ថានឹងបញ្ចប់ជីវិតរថយន្តអគ្គិសនី i3 ពីផ្សារសហរដ្ឋអាមេរិកពិតមែន ដោយថាការផលិតរថយន្តនេះនឹងត្រូវបញ្ចប់នាខែក្រោយនេះ។
រថយន្តអគ្គិសនីតូចច្រឡឹង i3 នឹងត្រូវជំនួសដោយរថយន្ត i4 eDrive40 ស៊េរីឆ្នាំ២០២២ ដែលមានតម្លៃចាប់ផ្ដើមពី ៥៥ ៤០០ដុល្លារ នៅលើទីផ្សារសហរដ្ឋអាមេរិក។ វាមានតម្លៃថ្លៃជាង i3 ជាង១ម៉ឺនដុល្លារ ប៉ុន្តែរថយន្ត i4 ប្រភេទធូរថ្លៃជាងគេគឺមានបំពាក់ដោយម៉ូទ័រអគ្គិសនីមួយដែលផលិតកម្លាំងបាន ៣៣៥សេះ។
រថយន្ត i4 eDrive40 ស៊េរីឆ្នាំ២០២២ អាចស្ទុះពី ០ ដល់ ១០០គ.ម/ម៉ ក្នុងពេល ៥,៧វិនាទី និងមានល្បឿនអតិបរមា ១៩០គ.ម/ម៉។ អ្វីកាន់តែពិសេសគឺវាមានបំពាក់អាគុយចំណុះ ៨៣,៩kWh ដែលរំពឹងថាអាចជិះបានចម្ងាយរហូតដល់ ៤៨៣គីឡូម៉ែត្រ ដែលជិះបានឆ្ងាយជាងរថយន្ត i3 ប្រភេទធូរថ្លៃជាងគេរហូតជិត២ដង៕