BMW បានប្រកាសការហៅចូលមកវិញនូវរថយន្ត M2 និង M4 Coupe នៅក្នុងសហរដ្ឋអាមេរិក ដោយក្នុងនោះមានរថយន្ត M2 ចំនួន ២០គ្រឿង និងរថយន្ត M4 Coupe ចំនួន ១គ្រឿង។
ការហៅចូលរថយន្តទាំង ២១គ្រឿងមកវិញ ក៏ដោយសារមានកំហុសបច្ចេកទេសលើសង្វាក់ផលិតកម្មផលិត ដែលប៊ិចសាំងរថយន្តត្រូវបានដំឡើងដោយមិនមានគ្រឿងបន្លាស់សំខាន់មួយសម្រាប់ការបន្ថយការរំញ័រ។ ប្រសិនគ្មានគ្រឿងនេះ ពេលប្រើប្រាស់យូរអង្វែងទៅអាចនាំឲ្យមានការហូរប្រេងដែលនាំឲ្យកើតមានគ្រោះអគ្គីភ័យបាន។
ផ្ទាំងផ្សាយពាណិជ្ជកម្ម
រថយន្ត M4 Coupe ដែលមានឈ្មោះក្នុងការហៅចូលមកវិញនេះគឺផលិតឡើងនៅថ្ងៃទី១៧ ខែមីនា ឆ្នាំ ២០២០ ខណៈដែលរថយន្ត M2 វិញត្រូវបានផលិតចន្លោះពីថ្ងៃទី២៣ ខែមិថុនា ដល់ថ្ងៃទី១៤ ខែតុលាឆ្នាំ ២០២០៕
ផ្ទាំងផ្សាយពាណិជ្ជកម្ម
