ក្រុមហ៊ុន BMW Japan បានអបអរសាទរនូវការប្រកាសចេញរថយន្ត BMW 7-Series ឆ្នាំ២០២៣ ដោយបានប្រកាសនូវគម្រោងបញ្ចេញរថយន្តម៉ូដែលពិសេស First Edition សម្រាប់ទីផ្សារក្នុងស្រុកជប៉ុនទៀតផង។
បច្ចុប្បន្នបើកឲ្យបញ្ជារួចហើយនោះ រថយន្ត BMW 7-Series First Edition ឆ្នាំ២០២៣ ត្រូវបានផលិតផ្អែកលើម៉ូដែល 740i Excellence, 740i M Sport និង i7 xDrive60 Excellence។
ម៉ូដែល First Edition នឹងមានបំពាក់អេក្រង់កម្សាន្តនៅផ្នែកខាងក្រោយ ទំហំដល់ទៅ ៣១,៣អ៊ីញ ក៏ដូចជា ដំបូលកញ្ចក់ Sky Lounge panoramic glass sunroof, កាមេរ៉ាក្នុងកាប៊ីន និង ប្រព័ន្ធសំឡេង 40 speaker Bowers & Wilkins surround sound system ទៀតផង។
ក្នុងនោះវាក៏មាន Option “Rear Comfort” ដែរ ដោយបន្ថែមនូវកៅអី multi-function rear seats ជាមួយមុខងារកម្តៅ, បញ្ចេញខ្យល់ត្រជាក់ និង ម៉ាស្សា ផងដែរ។
ចំពោះម៉ូដែល 740i វាប្រើម៉ាស៊ីនសាំងចំណុះ ៣,០លីត្រ TwinPower ទំហំ ៦ស៊ីឡាំង មានកម្លាំង ៣៧៥សេះ និងកម្លាំងរមួល ៥១៩ញ៉ូតុនម៉ែត្រ។ ចំពោះ i7 xDrive60 មានកញ្ចប់អាគុយទំហំ ១០៥,៧គីឡូវ៉ាត់ម៉ោង និងម៉ូទ័រអគ្គិសនីចំនួន ២ ដែលបង្កើតកម្លាំងបានសរុប ៥៣៦សេះ និងកម្លាំងរមួល ៧៤៤ញ៉ូតុនម៉ែត្រ។
សូមបញ្ជាក់ថា ប្រភេទ First Edition នេះ នឹងត្រូវផលិតមានចំនួនកំណត់ ត្រឹមតែ ១៥០គ្រឿងប៉ុណ្ណោះ ដោយបែងចែង ៥០ គ្រឿងម្នាក់ក្នុងមួយម៉ូដែល (740i Excellence, 740i M Sport និង i7 xDrive60 Excellence) ហើយមានតម្លៃចាប់ពីខ្ទង់ ១៣៣ ៩០០ដុល្លារ ដល់ ១៤៩ ០០០ដុល្លារ៕
