BYD បង្ហាញចេញ គំរូឡានអគ្គិសនីមហាកម្លាំង

ក្រុមហ៊ុន BYD បានបង្ហាញចេញរថយន្តគំរូថ្មីនៅក្នុងប្រទេសចិន ដែលមានឈ្មោះថា Ocean-X គឺជារថយន្ត Sedan អគ្គិសនីខ្នាតកណ្ដាល ដែលមានថាមពលខ្លាំងក្លា ដោយរូបរាងរបស់វាគឺមានភាពទាក់ទាញបំផុត។

រថយន្ត Ocean-X នេះមានបំពាក់នូវកង់បែបអនាគត ជាមួយតួខ្លួនបែប Dynamic ថែមទៀតផង។ ដោយឡែកលក្ខណៈសម្បត្តិមិនត្រូវបាន BYD ទម្លាយឲ្យដឹងច្រើនប៉ុន្មានឡើយ ដោយគ្រាន់តែប្រាប់ថារថយន្តនេះប្រើប្រាស់គ្រោងឆ្អឹងរថយន្តអគ្គិសនីថ្មី។

ពាណិជ្ជកម្ម

គ្រោងឆ្អឹងថ្មីអាចឲ្យរថយន្តនេះបើកបរបានចម្ងាយលើសពី ១០០គីឡូម៉ែត្រ ហើយវាក៏គាំទ្រនូវបច្ចេកវិទ្យាសាកកម្លាំង ៨០០វ៉ុល ដែលសាកភ្លើងរយៈពេល៥នាទី អាចផ្ដល់ចម្ងាយបាន ១៥០គីឡូម៉ែត្រឯណោះ។

រថយន្ត Concept នេះទៀតសោត ត្រូវបានក្រុមហ៊ុននិយាយថាវាប្រើប្រាស់ប្រព័ន្ធថាមពល ដែលអាចឲ្យវាស្ទុះពី ០ ដល់ ១០០គ.ម/ម៉ ក្នុងពេលត្រឹម ២,៩វិនាទី ខណៈដែលការប្រើប្រាស់ថាមពលរបស់វាគឺសន្សំសំចៃបំផុត៕

Sponsored