ទីផ្សារលក់រថយន្តថ្មីក្នុងប្រទេសចិន នៅតែមានភាពរស់រវើកគិតត្រឹមខែឧសភា ឆ្នាំ២០២៥ ក្នុងនោះក្រុមហ៊ុនផលិតរថយន្តជាច្រើនបានបង្ហាញកំណើននៃការលក់កាន់តែខ្លាំងមួយឆ្នាំទៅមួយឆ្នាំ ទោះបីជាមានការប្រែប្រួលប្រចាំខែខ្លះក៏ដោយ។ យោងតាមការរបាយការណ៍នៃការលក់កាលពីមុន បានបង្ហាញថាក្រុមហ៊ុន BYD នៅតែបន្តនាំមុខគេ ខណៈដែលក្រុមហ៊ុន Geely, Leapmotor, និង Xpeng បានបង្កើនបរិមាណលក់របស់ខ្លួនទ្វេដង គួរឲ្យសម្គាល់។
ក្រុមហ៊ុន BYD នៅតែឈរនៅលេខ១ ជាក្រុមហ៊ុនលក់ដាច់ជាងគេនៅក្នុងខែឧសភា ក្រោយពួកគេលក់រថយន្ដបានចំនួន ៨៧៦ ៩៣០គ្រឿង កើនឡើង ដែលជាការកើនឡើង ១៣៥.២% ធៀបនឹងឆ្នាំមុន និងខ្ពស់ជាងខែមេសា ៩.៩%។
ក្រឡែកមកមើល Geely ពួកគេលក់រថយន្ដសរុបបានចំនួន ១៣៨ ០២១គ្រឿង គិតត្រឹមខែឧសភា កើនឡើង ១៣៧.១% ធៀបនិងឆ្នាំមុន។ រថយន្តម៉ូឌែល Galaxy ឈានមុខគេក្នុងការលក់ ដោយលក់បាន ១០១ ៨៤៥ គ្រឿង តាមពីក្រោយដោយ Lynk & Co លក់បាន ១៧ ២៦៨គ្រឿង និង Zeekr ១៨៩០៨គ្រឿង។
សរុបការលក់រថយន្តសម្រាប់ក្រុមហ៊ុន Geely Group ទាំងមូលបានកើនដល់ចំនួន ៦០២ ៧៨៤គ្រឿង គិតត្រឹមខែឧសភា ដែលជាការកើនឡើង ១៣៧.១% ធៀបនឹងឆ្នាំមុន។
ក្រុមហ៊ុន Leapmotor លក់រថយន្តបានចំនួន ៤៥ ០៦៧គ្រឿង គិតក្នុងខែឧសភា កើនឡើង ១៤៨.១% ធៀបនិងឆ្នាំមុន។ គិតត្រឹមខែឧសភាឆ្នាំ២០២៥ ពួកគេលក់រថយន្ដបានចំនួន ១៧៣ ៦៥៨គ្រឿង កើនឡើង ១៦០.៨%។ រថយន្ដម៉ូឌែល C11 ទទួលការចាប់អារម្មណ៍ខ្លាំងពីអ្នកប្រើប្រាស់ ដោយសារមានមុខងារទំនើបៗនិងតម្លៃសមរម្យ។
ក្រុមហ៊ុន Harmony Intelligent Mobility ដែលគាំទ្រដោយក្រុមហ៊ុន Huawei លក់រថយន្ដបានចំនួន ៤៤ ៤៥៤ គ្រឿង ក្នុងខែឧសភា។ រថយន្ដ Aito M9 ជាម៉ូឌែលលក់ដាច់ជាងគេ ក្រោយលក់បាន ១៥ ៤៨១គ្រឿង តាមពីក្រោយដោយម៉ូឌែល M8 លក់បាន ១២ ១១៦គ្រឿង, ម៉ូឌែល. M5 Ultra លក់បាន ៤ ៨៨៩គ្រឿង និង M7 លក់បា ៤ ១៣៩គ្រឿង)។ រថយន្ត Luxeed R7 លក់បាន ៥ ១២៤គ្រឿង ខណៈដែលម៉ូដែល Stelato S9 EREV ទើបនឹងដាក់លក់ថ្មីនេះលក់បានចំនួន ២ ០០០ គ្រឿង៕
