[បរទេស] ក្រុមហ៊ុនផលិតរថយន្ត BYD បានធ្វើការដាក់ចេញលក់ជាផ្លូវការនូវរថយន្ត BYD Seal 07 DM-i ស៊េរីថ្មីចុងក្រោយ ឆ្នាំ២០២៦ ជាមួយតម្លៃលក់ចាប់ពី ២០ ៨០០ ដុល្លារ ដល់ ២៦ ០០០ ដុល្លារ នៅទីផ្សារប្រទេសចិន ។
BYD Seal 07 ដំណើរការដោយបច្ចេកវិទ្យា DM-i ជំនាន់ទី ៥ ដែលជាបច្ចេកវិទ្យា PHEV ធ្វើការរួមគ្នាជាមួយម៉ាស៊ីនសាំងចំណុះ ១,៥លីត្រ អាចផលិតជម្រើសកម្លាំងបាន ៩៩,២ និង ១៥៤,២សេះ អបជាមួយម៉ូទ័រអគ្គិសនីចំនួន ១ អាចផលិតជម្រើសកម្លាំងបាន ២១៥ និង ២៦៨សេះ អាចបើករបានចម្ងាយ ១៣៥ និង ២៣០គីឡូម៉ែត្រ ដោយប្រើថាមពលអគ្គិសនីសុទ្ធ។
សម្រាប់ការឌីស្សាញផ្នែកខាងក្រៅវិញ ទទួលបានការឌីស្សាញថ្មីជាមួយផ្នែកខាងមុខ ហើយក៏ទទួលបាននូវប្រព័ន្ធ lidar នៅលើដំបូល ក៏ដូចជាប្រព័ន្ធ God’s Eye-B” (DiPilot 300) intelligent driving assistance system ផងដែរ។ ចំណែកផ្នែកខាងក្នុង គឺបានបំពាក់មកជាមួយអេក្រង់កុងទ័រឌីជីថលទំហំ ១០,២៥ អ៉ីញ, អេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាកន្លែងសាកថ្មឥតប្រើខ្សែកម្លាំង 50W ជាដើម៕
