Chevrolet Corvette ឆ្នាំ២០២២ បង្ហាញខ្លួនផ្លូវការ មានថែមម៉ូដែលពិសេសថ្មី

118

រថយន្ត Chevrolet Corvette Stingray ស៊េរីឆ្នាំ២០២២ បានបង្ហាញខ្លួនជាផ្លូវការ ដោយមានបន្ថែមម៉ូដែលពិសេសថ្មីមួយទៀត ហៅថា IMSA GTLM Championship Edition។

សម្រាប់ស៊េរីឆ្នាំ២០២២ នេះ Chevrolet បានអាប់ដេតលើ Corvette ដោយបន្ថែមពណ៌ថ្មីចំនួន ៣ គឺ Hypersonic Gray, Caffeine និង Amplify Orange Tintcoat។ មិនតែប៉ុណ្ណោះ ម៉ាស៊ីនចំណុះ ៦,២លីត្រ naturally-aspirated V8 របស់វាក៏ត្រូវបានអាប់ដេតផងដែរ ដោយឥឡូវនេះអាចបង្កើតកម្លាំងបានដល់ ៤៩៥សេះ។

ពាណិជ្ជកម្ម

រឹតតែពិសេសទៅទៀតនោះ Chevrolet ក៏បានអាប់ដេតវាលើប្រព័ន្ធ Active Fuel Management ដែលមានន័យថា ម៉ាស៊ីនរបស់   Corvette អាចបិទដំណើរការស៊ីឡាំងបាន។

ក្រឡេកមកមើលម៉ូដែលពិសេស Chevrolet Corvette Stingray IMSA GTLM Championship Edition ឆ្នាំ២០២២ វិញ នឹងត្រូវផលិតមានចំនួនកំណត់ ត្រឹមតែ ១ ០០០គ្រឿងប៉ុណ្ណោះ។

វាត្រូវបានផលិតឡើងដោយផ្អែកលើម៉ូដែល 3LT ជាមួយកញ្ចប់ Option “Z51 Performance Package” ហើយផ្តល់ជម្រើសពណ៌លឿង Accelerate Yellow ជាមួយតែមពណ៌ប្រផេះ និង ពណ៌ប្រផេះ Hypersonic Gray ជាមួយតែមពណ៌លឿង។

ចំពោះម៉ូដែល IMSA GTLM Championship Edition នេះ នឹងត្រូវដាក់លក់ជាកញ្ចប់ Option តម្លៃ ៦ ៥៩៥ដុល្លារ ខណៈដែល Chevrolet Corvette Stingray ឆ្នាំ២០២២ មានតម្លៃចាប់ពី ៦២ ១៩៥ដុល្លារ សម្រាប់ម៉ូដែល Coupe និង ៦៩ ៦៩៥ដុល្លារ សម្រាប់ម៉ូដែលបើកដំបូល៕

Sponsored