ក្រុមហ៊ុន Chevrolet បានប្រកាសចេញរថយន្តម៉ូដែល Orlando ស៊េរីឆ្នាំ២០២០ របស់ខ្លួនជាផ្លូវការ នៅក្នុងប្រទេសចិន។
រថយន្ត SUV ខ្នាតតូចនេះចែកចេញជា ២ ប្រភេទ គឺប្រភេទ ៥កៅអី និង ៧កៅអី ហើយប្រើម៉ាស៊ីនសាំងចំណុះ ១,៣លីត្រ Ecotec Turbocharged ទំហំ ៣ស៊ីឡាំង ជាមួយប្រព័ន្ធ Mild-Hybrid មានកម្លាំងសរុប ១៦១សេះ ប្រើប្រអប់លេខអូតូ ៦វគ្គ ប្រភេទ DSS។
ផ្ទាំងផ្សាយពាណិជ្ជកម្ម
ប្រព័ន្ធ Mild-Hybrid នៅលើរថយន្ត Orlando ផ្តល់ជម្រើសបើកបរ ៥ ដូចជា Auto Start, E-boost, Smart Charge, Brake Energy Regeneration និង E-idle។ វាមានកម្រិតស៊ីសាំងជាមធ្យមត្រឹមតែ ៦,១លីត្រ/១០០គីឡូម៉ែត្រ។
Chevrolet Orlando ឆ្នាំ២០២០ ត្រូវបានដាក់លក់ក្នុងតម្លៃ ១៩ ៣៥០ដុល្លារ សម្រាប់ប្រភេទ ៥កៅអី និង ២២ ៦០០ដុល្លារ សម្រាប់ប្រភេទ ៧កៅអី៕
ផ្ទាំងផ្សាយពាណិជ្ជកម្ម
