![2024-chevrolet-silverado-ev-105-664e0bf4c9278](https://camboauto.com/wp-content/uploads/2024/05/2024-chevrolet-silverado-ev-105-664e0bf4c9278-696x348.jpg)
[បរទេស] ក្រុមហ៊ុនផលិតរថយន្ត Chevrolet បានធ្វើការរដាក់បង្ហាញចេញជាផ្លូវការនៅរថយន្តភីកអាប់ Chevrolet Silverado EV RST ស៊េរីឆ្នាំ ២០២៤ ប្រើអគ្គិសនីសុទ្ធជាមួយតម្លៃត្រឹមតែ ៩៦ ៤៩៥ ដុល្លារសហរដ្ធអាមេរិកប៉ុណ្ណោះ ។
រថយន្តនេះដំណើរការដោយម៉ូទ័រអគ្គិសនីសុទ្ធអាចផលិតកម្លាំងសរុុបបានចំនួន ៧៥៤សេះ និងកម្លាំងរមួល ១ ០៦៥ញ៉ូតុនម៉ែត្រ ប្រើប្រាស់ប៉ុងពីរ All-wheel drive អាចបើកបរបានចម្ងាយ ៧០៨គីឡូម៉ែត្រ នៅពេលសាកថ្មពេញម្តង និងអាចរត់ពី ០ ទៅ ១០០គីឡូម៉ែត្រ ប្រើពេលត្រឹមតែ ៤,១វិនាទី ជាមួយសមត្ថភាពសណ្តោងបានដល់ទៅ ៤ ៥០០គីឡូក្រាម។
សម្រាប់ការរចនារូបរាងខាងក្រៅវិញមានលក្ខណៈកាច់ដោយភ្ជាប់មកជាមួយប៉ាណាមុខបិតជិតអមដោយឡូហ្គូល Chevrolet នៅចំកណ្តាលនិងប្រព័ន្ធភ្លើង ambient lighting អូសកាត់ពីម្ខាងទៅម្ខាង, ចង្កៀងមុខ-ក្រោយ LED និងថាសកង់ទំហំ ២៤ អ៊ីញ។
ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ១១អ៊ីញ, អេក្រង់កំសាន្ត touchscreen ទំហំ ១៧ អ៊ីញ ភ្ួាប់មកជាមួយមុខងារ Google Assistant, Maps និងកៅអីក្តៅ-ត្រជាក់ជាដើម។