[ទីផ្សារបរទេស] ក្រុមហ៊ុន Ferrari បានចេញផ្សាយរូបភាពផ្លូវការដំបូងនៃរថយន្ត SUV ថ្មី ម៉ូដែល Purosangue ដែលគ្រោងប្រកាសចេញក្នុងពេលឆាប់ៗដ៏ខ្លីខាងមុខនេះ។
ជាមួយរូបភាព teaser នេះក្រុមហ៊ុនបានភ្ជាប់មកជាមួយសារខ្លីថា ៖ “អ្នកបានឮពាក្យចចាមអារ៉ាមរួចមកហើយ…យើងរីករាយក្នុងការបញ្ជាក់ថាវាជាការពិត (ពិតមួយចំនួន)។ ព័ត៌មានទាំងអស់នឹងត្រូវបង្ហាញចេញនៅចុងឆ្នាំនេះ”។
ផ្ទាំងផ្សាយពាណិជ្ជកម្ម
គួរដឹងថាដំណឹងពីរថយន្ត Purosangue បានលេចចេញជាលើកដំបូងកាលពីឆ្នាំ២០១៨ នៅពេលដែល Ferrari និយាយអំពីរថយន្តនេះនៅក្នុងផែនទីផលិតផលអនាគត។ វិបត្តិកូវីដ១៩បានធ្វើឲ្យការបង្ហាញវត្តមាននៃរថយន្តនេះត្រូវអូសបន្លាយជាយូរ ប៉ុន្តែទីបំផុតវានឹងត្រូវប្រកាសចេញឆាប់ៗ។
រថយន្ត Purosangue ត្រូវបានរំពឹងថានឹងប្រើប្រាស់ម៉ាស៊ីន V12 រួមជាមួយជម្រើសម៉ាស៊ីន hybrid V6 ស្រដៀងនឹងរថយន្ត Ferrari ម៉ូដែល 296 GTB ដែរ៕
ផ្ទាំងផ្សាយពាណិជ្ជកម្ម
