Ferrari ចេញរថយន្តស្ព័រថ្មីម៉ូដែល Roma រចនារូបរាងប្លែក ឯកម្លាំងជាង ៦០០សេះ

Ferrari បានប្រកាសចេញរថយន្តស្ព័រស៊េរីចុងក្រោយបង្អស់របស់ខ្លួនជាផ្លូវការ មានឈ្មោះថា Roma។ ថ្វីបើមិនបាននិយាយអ្វីច្រើនពីវា ប៉ុន្តែ Ferrari Roma មានការរចនាថ្មីប្លែក ខុសពីរថយន្ត Ferrari ដទៃទៀត។

Roma មានរូបរាងខាងមុខបែប Aerodynamic និង ប៉ាណាប្រភេទ Retro យ៉ាងទាក់ទាញ។ មិនតែប៉ុណ្ណោះ ចង្កៀងបំភ្លឺពេលថ្ងៃ Daytime Running Lights របស់វា ស្ថិតនៅចន្លោះចង្កៀងមុខ មើលទៅហាក់បីដូចជាអណ្តែតអីចឹង។

ផ្ទាំងផ្សាយពាណិជ្ជកម្ម

ចំណែកឯផ្នែកខាងក្រោយ Roma បានរចនាដំបូលបែបទាល ជាមួយនឹងការបំពាក់ចង្កៀងក្រោយ LED យ៉ាងស្រស់ស្អាត និងបំពង់ស៊ីម៉ាំងដល់ទៅ៤ ឯណោះ។

ដោយឡែក ផ្នែកខាងក្នុង រថយន្តអ៊ីតាលីនេះក៏បំពាក់បច្ចេកវិទ្យាទំនើបៗដែរ ដូចជា កុងទ័រឌីជីថល, ប្រព័ន្ធ Infotainment System បញ្ឈរថ្មី ហើយអ្នកដំណើរមុខក៏មានប្រព័ន្ធ Infotainment System ផ្ទាល់ខ្លួនផងដែរ។

សូមបញ្ជាក់ថា រថយន្ត Ferrari Roma ថ្មី នឹងប្រើម៉ាស៊ីនចំណុះ ៣,៩លីត្រ Turbocharged ទំហំ ៨ស៊ីឡាំង មានកម្លាំង ៦១២សេះ ប្រើប្រអប់លេខ Dual-clutch ៨វគ្គ អាចរត់ស្ទុះពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣,៤វិនាទីប៉ុណ្ណោះ ហើយមានល្បឿនអតិបរមាដល់ ៣២០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម