ប្រភពពី F-150 Gen14 បានឲ្យដឹងថាការផលិតរថយន្ត F-150 សេរីឆ្នាំ ២០២១ នៅរោងចក្រ Dearborn នឹងត្រូវចាប់ផ្ដើមនាថ្ងៃទី ២៨ ខែកញ្ញា ចំណែកការផលិតនៅរោងចក្រ Kansas City វិញគឺនឹងចាប់ផ្ដើមនាថ្ងៃទី ២៦ ខែតុលា។
ការផលិតនៅរោងចក្រទាំងពីរគឺបានលើកពេលជិតមួយខែពីថ្ងៃផលិតដែលបានកំណត់ពីដំបូង ដោយសារតែការផ្ទុះនូវជំងឺកូវីដ១៩ ដែលតម្រូវឲ្យបិទរោងចក្រ។ បន្ថែមពីនេះការកុម្ម៉ង់ទិញរថយន្ត F-150 ថ្មីនឹងបើកនាថ្ងៃទី ១៥ ខែមិថុនា ដែលដើមឡើយគឺ Ford ចង់បើកទទួលនាថ្ងៃទី ១១ ខែឧសភា។
រថយន្ត Ford F-150 ស៊េរីថ្មីរំពឹងថាប្រកាសចេញនាចុងខែមេសានេះ ពោលនៅថ្ងៃទី ៣០ ខែមេសាតែម្ដង ដែលវាមានមកជាមួយនូវការឌីហ្សាញថ្មីលើផ្ទាំងប៉ាណា និងអំពូលភ្លើងថ្មី រួមជាមួយការផ្លាស់ប្ដូរថ្មីៗជាច្រើនទៀត។ អ្វីដែលពិសេសនោះគឺវាមានបន្ថែមនូវជម្រើសម៉ាស៊ីន Hybrid ជាលើកដំបូងបំផុតសម្រាប់ត្រកូលភីកអាប់លក់ដាច់ជាងគេក្នុងលោកមួយនេះ៕
