នៅចាំ Ford Excursion ទេ? ជារថយន្តប្រភេទ SUV ខ្នាតធំថ្នាក់ទី ២ ដែលជារថយន្តមួយក្នុងចំណោមរថយន្តដែលវែងបំផុត និងធ្ងន់បំផុតមិនធ្លាប់មានដែលផលិតក្នុងចំនួនកំណត់ ដែលចេញមកពីរថយន្ត Ford F-250 Super Duty truck ជាមួយម៉ូដែលចុងក្រោយរបស់វាត្រូវបានផលិតត្រឹមឆ្នាំ ២០០៥ ។
ឥឡូវនេះមានការកំណែរថយន្តប្រភេទ SUV F-250 ដែលបានផ្តល់នៅលើ Cars & Bids ហើយវាដូចជាម៉ូដែលសម្រាប់ដំណើរកំសាន្តដ៏ទំនើបផងដែរ ដោយមានភាពខុសប្លែកគ្នាដ៏សំខាន់មួយ ប៉ុន្តែវាវែងជាង និងមានទ្វារចំនួន៦ អាចផ្ទុកអ្នកដំណើររហូតដល់១១ នាក់ និងត្រៀមដាក់ចេញលក់នៅប៉ុន្មានថ្ងៃខាងមុខនេះ ។
F-250 ដែលត្រូវបានការអភិវឌ្ឍន៍នេះបានទទួលជម្រើសកៅអីពីរជួរបន្ថែមទៀតដើម្បីដាក់អ្នកដំណើររហូតដល់ ១១ នាក់ លើសពីនេះ វាត្រូវបានបំពាក់ដោយប្រព័ន្ធ suspension ICON ៥ អ៊ីញ , ប្រព័ន្ធ aftermarket tune, ថាសកង់ទំហំ ២២ អ៊ីញ និងសំបកកង់ប្រភេទ Nitto Ridge Grappler។ ប្រភេទ Lariat trim រួមជាមួយនឹងកញ្ចប់ King Ranch រថយន្តនេះត្រូវបានបំពេញដោយជម្រើសរួមទាំង AM/FM stereo ដ៏ប្រណិត ជាមួយនឹងម៉ាស៊ីនចាក់ CD មួយ កៅអីមុខងារកម្តៅ និងឧបករណ៍បំពងសំឡេង subwoofer ៨ ចំនុចជាដើម ។
F-250 ដំណើរការដោយម៉ាស៊ីនប្រភេទ Turbodiesel V8 ចំណុះ ៦.៧ លីត្រ មានកម្លាំង ៤៤០ សេះ និងកម្លាំងរមួល ១,១១៦ ញ៉ូតុនម៉ែត្រ ជាមួយតម្លៃ ៦០,១០០ ដុល្លារ ៕
