ក្រោយពីបានប្រកាសចេញនៅទីផ្សារថៃបានមួយរយៈពេលខ្លី នាពេលនេះរថយន្តភីកអាប់ Ford Ranger ស៊េរីឆ្នាំ ២០២១ បានបង្ហាញវត្តមានលើទីផ្សារប្រទេសវៀតណាម ដែលមានដាក់លក់តម្លៃចាប់ពីប្រមាណ ២៦ ៦៨៩ដុល្លារ ដល់ ៤០ ០៧៩ដុល្លារ។
រថយន្ត Ford Ranger ឆ្នាំ ២០២១ មានលក់នៅវៀតណាមដោយចែកចេញជា៦ប្រភេទ ហើយចំពោះប្រភេទដែលបង្ហាញក្នុងរូបនេះគឺជា XLS MT ដែលវាមានតម្លៃប្រមាណ ២៧ ៣០០ដុល្លារ។ រថយន្តនេះមានការផ្លាស់ប្ដូររូបរាងខាងមុខថ្មី ដែលមើលទៅកាន់តែទាក់ទាញជាងមុន និងប្លែកភ្នែកផងដែរ។
ម៉ាស៊ីនរបស់ Ford Ranger XLS MT គឺជាប្រភេទម៉ាស៊ូត Turbocharged ដែលមានចំណុះ ២,២លីត្រ អាចផលិតកម្លាំងបាន ១៦០សេះ ភ្ជាប់នឹងប្រអប់លេខដៃ៦វគ្គ និងប្រើប្រព័ន្ធបើកបរវិលកង់ក្រោយ ហើយមានប្រើចង្កូតអេឡិចត្រូនិកផងដែរ។
ជាមួយតម្លៃប្រមាណ ២៧ ៣០០ដុល្លារនេះ Ford Ranger XLS MT ស៊េរីថ្មី អាចប្រកួតប្រជែងនឹង Toyota Hilux 4×2 MT (តម្លៃប្រមាណ ២៧ ២១៤ដុល្លារ) និងរថយន្ត Mitsubishi Triton 4×2 AT Mivec (តម្លៃប្រមាណ ២៧ ៣០០ដុល្លារ៕
