[ទីផ្សារបរទេស] ក្រុមហ៊ុន Ford បានប្រកាសចេញរថយន្ត Ranger ប្រភេទថ្មីជាប្រភេទ Platinum សម្រាប់ចរាចរណ៍លក់លើទីផ្សារអឺរ៉ុប និងនៅតាមបណ្ដាប្រទេសមួយចំនួនជុំវិញពិភពលោក ដោយប្រភេទថ្មីគឺជាកម្រិត Option ខ្ពស់ជាងគេ ជា Ranger ដែលមានប្រណីតភាពខ្ពស់ដាច់គេ។
រថយន្តនេះប្រើប្រាស់មកជាស្តង់ដារនូវម៉ាស៊ីនម៉ាស៊ីន ៦ស៊ីឡាំង ភ្ជាប់ជាមួយប្រអប់លេខស្វ័យប្រវត្តិ១០វគ្គ ដែលអាចផលិតកម្លាំងបាន ២៤៧សេះ។ កម្លាំងនេះបញ្ចូនទៅដល់កង់ទាំងបួនរបស់រថយន្តតាមរយៈប្រព័ន្ធបើកបរប៉ុងពីរថ្មីដែលគ្រប់គ្រងតាមបែបអេឡិចត្រូនិក។
សម្រាប់រូបរាងខាងក្រៅ Ranger Platinum នេះហាក់ខុសពីប្រភេទដទៃជាមួយការបំពាក់យ៉ានទំហំ ២០អ៊ីញ ផ្ទាំងប៉ាណាមុខមានភាពលេចធ្លោជាងមុន និងមានអំពូលបំភ្លឺពេលថ្ងៃប្រភេទ LED ដែលមានអត្តសញ្ញាណថ្មី។ អំពូលបំភ្លឺពេលថ្ងៃមានបង្កប់ជាមួយអំពូល LED Matrix ដែលមានមកជាស្តង់ដារសម្រាប់ Platinum នេះ ជាមួយកញ្ចក់ខ្លាំង និងកៅអីស្បែក។
សម្រាប់ខាងក្នុងវិញ មានកៅអីដែលអាចបញ្ជាដោយអេឡិចត្រូនិកបានចំនួន១០របៀប ដែលមានមុខងារកម្ដៅ និងមុខងារត្រជាក់ រួមជាមួយការលម្អដោយភ្លើងពណ៌បំភ្លឺខាងក្នុងដែលកាន់តែពិសេសជាងមុន។
បន្ថែមពីនេះលើ Ranger Platinum ក៏មានមុខងារសុវត្ថិភាពទំនើបៗជាច្រើនបំពាក់មកជាស្តង់ដារ ដោយការចេញលក់នៅអឺរ៉ុបនឹងចាប់ផ្ដើមនៅអំឡុងត្រីមាសទីពីរនៃឆ្នាំ២០២៣ខាងមុខនេះ៕
