[ទីផ្សារចិន] ក្រុមហ៊ុនផលិតរថយន្ត Geely បានធ្វើការប្រកាសដាក់លក់ជាផ្លូវការនូវរថយន្ត Geely Galaxy LEVC L380 ប្រភេទ MPV អគ្គិសនីសុទ្ធ ៦កៅអី ជាមួយតម្លៃលក់ទាបជាងមុនចំនួន ១០ ៩៣៥ ដុល្លារ ពោលគឺចាប់ពី ៤១ ៤៥៥ ដុល្លារ ដល់ ៨២ ៩២៥ ដុល្លារ នៅក្នុងទីផ្សារប្រទេសចិន។
រថយន្តនេះ មានប្រវែងសរុប ៥ ៣១៦ ម.ម ទទឹង ១ ៩៩៨ ម.ម កម្ពស់ ១ ៩៤០ ម.ម និងប្រវែងគម្លាតកង់មុខ-ក្រោយ ៣ ១៨៥ ម.ម ដំណើរការដោយ៖
- ម៉ូទ័រអគ្គិសនីចំនួន ១ ប៉ុង ១ FWD អាចផលិតកម្លាំងបានចំនួន ២៦៨ សេះ ផ្គួបជាមួយអាគុយទំហំ ១០០ និង ១៤០ គីឡូវ៉ាត់ម៉ោង អាចបើកបរបានចម្ងាយ ៥៧០ និង ៨២៥ គីឡូម៉ែត្រ នៅពេលសាកថ្មពេញម្តង និងគាំទ្រការសាកថ្មល្បឿនលឿន អាចសាកបានពី ៣០ ទៅ ៨០ភាគរយ ប្រើរយៈពេលត្រឹម ៣០ នាទី ប៉ុណ្ណោះ។
- ម៉ូទ័រអគ្គិសនីចំនួន ២ ប៉ុង ២ AWD អាចផលិតកម្លាំងបានសរុបចំនួន ៥៣៦ និង ៥៤៤ សេះ ផ្គួបជាមួយអាគុយទំហំ ១១៦ និង ១៤០ គីឡូវ៉ាត់ម៉ោង អាចបើកបរបានចម្ងាយ ៦៥០ និង ៨០៥ គីឡូម៉ែត្រ នៅពេលសាកថ្មពេញម្តង និងគាំទ្រការសាកថ្មល្បឿនលឿន អាចសាកបានពី ៣០ ទៅ ៨០ភាគរយ ប្រើរយៈពេលត្រឹម ៣០ នាទី ប៉ុណ្ណោះ។
សម្រាប់ផ្នែកខាងក្រៅ ត្រូវបានបំផុសគំនិតរចនាចេញពីយន្តហោះ ជាមួយប៉ាណាបិទជិត ចង្កៀងមុខ-ក្រោយ LED អូសពីម្ខាងទៅម្ខាង ព្រមទាំងប្រើប្រាស់នូវទ្វាររូតចំហៀងប្រភេទអគ្គិសនី និងថាសកង់ស្ព័រទំហំ ១៨អ៊ីញ។
ចំពោះនៅផ្នែកខាងក្នុងវិញ ទទួលបានកុងទ័រឌីជីថលទំហំ ១០,២៥ អ៊ីញ និងអេក្រង់កំសាន្ត touchscreen ទំហំ ១៥,៤ អ៊ីញ ក៏ដូចជាអេក្រង់ HUD ទំហំ ១៩,៨ អ៊ីញ អេក្រង់កំសាន្ត touchscreen ទំហំ ១២,៨ និង ៥,៩៨ អ៊ីញ នៅផ្នែកខាងក្រោយ ដំបូល panoramic sunroof បាស Yamaha ចំនួន ១៤ទីតាំង កន្លែងសាកថ្មឥតខ្សែកម្លាំង ៥០វ៉ាត់ និងប្រព័ន្ធ ADAS ឆ្លាតវៃជាច្រើនមុខងារ។ លើសពីនេះ ក៏អាចផ្ទុកទម្ងន់បានដល់ ១ ១០០គីឡូក្រាម ផងដែរ៕
