[ទីផ្សារចិន] ក្រុមហ៊ុនផលិតរថយន្ត Hongqi បានធ្វើការប្រកាសចេញលក់ជាផ្លូវការនូវរថយន្ត Hongqi Tiangong 06 ប្រភេទ SUV ប្រើប្រាស់អគ្គិសនីសុទ្ធ ជាមួយតម្លៃលក់ចាប់ពី ២៥ ៥០០ ដុល្លារ ដល់ ៣១ ៨០០ ដុល្លារ នៅក្នុងទីផ្សារប្រទេសចិន។
រថយន្ត Hongqi Tiangong 06 មានប្រវែងសរុប ៤ ៧៥០ ម.ម កម្ពស់ ១ ៦៤០ ម.ម ទទឹង ១ ៩០០ ម.ម និងប្រវែងគម្លាតកង់ ២ ៩០០ ម.ម ដំណើរការដោយ៖
ផ្ទាំងផ្សាយពាណិជ្ជកម្ម
- ម៉ូទ័រអគ្គិសនីចំនួន ១ ប៉ុង ១ RWD អាចផលិតកម្លាំងបាន ២៨២ សេះ និងកម្លាំងរមួល ៣១៧ ញ៉ូតុនម៉ែត្រ ផ្គួបជាមួយជម្រើសអាគុយចំនួន ២ ទំហំ ៦២ និង ៨៥ គីឡូវ៉ាត់ម៉ោង អាចបើកបរបានចម្ងាយ ៥៥០ និង ៧០០ គីឡូម៉ែត្រ នៅពេលសាកថ្មពេញម្តង គាំទ្រការសាកល្បឿនលឿន អាចសាកឡើងពី ១០ ទៅ ៨០ភាគរយ ប្រើពេលត្រឹម ២០នាទី ប៉ុណ្ណោះ។
- ម៉ូទ័រអគ្គិសនីចំនួន ២ ប៉ុង ២ AWD អាចផលិតកម្លាំងបាន ៥៥៣ សេះ និងកម្លាំងរមួល ៦២៣ ញ៉ូតុនម៉ែត្រ ផ្គួបជាមួយជម្រើសទំហំ ៨៥ គីឡូវ៉ាត់ម៉ោង អាចបើកបរបានចម្ងាយ ៦៦០ គីឡូម៉ែត្រ នៅពេលសាកថ្មពេញម្តង គាំទ្រការសាកល្បឿនលឿន អាចសាកឡើងពី ១០ ទៅ ៨០ភាគរយ ប្រើពេលត្រឹម ២០នាទី ប៉ុណ្ណោះ។
សម្រាប់ការឌីស្សាញផ្នែកខាងក្រៅ ទទួលបានការឌីស្សាញថ្មីបែបស្ព័រជាមួយប៉ាណាបិតជិត ចង្កៀងមុខ LED រាងស្លីម និងចង្កៀងក្រោយ LED រាងអក្សរ X ព្រមទាំងប្រើប្រាស់នូវថាសកង់ស្ព័រទំហំ ១៩ និង ២០ អ៊ីញ ជាដើម។
ចំពោះនៅផ្នែកខាងក្នុងវិញ ទទួលបានអេក្រង់លើកញ្ជក់ AR-HUD អេក្រង់កំសាន្ត touchscreen ទំហំ ១៥,៦អ៊ីញ កម្រិត 2.5K កន្លែងសាកឥតខ្សែកម្លាំង និងប្រព័ន្ធបើកបរឆ្លាតវៃ L2.9 ចុងក្រោយបង្អស់៕
ផ្ទាំងផ្សាយពាណិជ្ជកម្ម
