Hyundai គ្រោងផលិត Supercar ដើរដោយថាមពលចំហាយទឹក ដែលមានតម្លៃជាង ៣៦មុឺនដុល្លារ

[បរទេស] កាលពីពេលថ្មីៗកន្លងទៅនេះ មានពាក្យចចាមអារ៉ាមថា ក្រុមហ៊ុនផលិតរថយន្ត Hyundai គ្រោងនឹងផលិតរថយន្តប្រភេទ Supercar ដើរដោយថាមពលចំហាយទឹក Hydrogen ដែលមានឈ្មោះថា Hyundai N74 គ្រោងនឹងបង្ហាញខ្លួនជាផ្លូវការនៅក្នុងឆ្នាំ ២០២៦ ។

Hyundai N74 នឹងអាចផលិតកម្លាំងបានដល់ទៅ ៧៦៥ សេះ និងមានល្បឿនស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងក្នុងរយៈពេល ៣ វិនាទីប៉ុណ្ណោះ។

គួរឲ្យដឹងថា ក្រុមហ៊ុនផលិត Hyundai គ្រោងនឹងកំណត់ការផលិតរថយន្តនេះត្រឹមតែ ២០០គ្រឿង ហើយនឹងមានតម្លៃលក់ប្រហែល ៣៦៦ ០០០ ដុល្លារ ។ ខណៈព័ត៌មានលម្អិតបន្ថែម ក្រុមហ៊ុនមិនទាន់បង្ហាញនៅឡើយទេ ៕