Hyundai ចង់លក់ឡានអគ្គិសនីឲ្យបានកន្លះលានគ្រឿង នៅឆ្នាំ២០២៥

ក្រុមហ៊ុន Hyundai មានគម្រោងធំចំពោះរថយន្តអគ្គិសនីរបស់ខ្លួន ដោយកំណត់គោលដៅលក់ឲ្យបាន ៥៦០ ០០០គ្រឿងក្នុងមួយឆ្នាំ នៅឆ្នាំ២០២៥។

ក្នុងអំឡុងការប្រកាសកាលពីដើមសប្តាហ៍មុន ក្រុមហ៊ុនរថយន្តកូរ៉េខាងត្បូងនេះ ក៏បានបង្ហាញពីគម្រោងចង់បញ្ចេញរថយន្តអគ្គិសនីចំនួន ១៦ម៉ូដែលត្រឹមឆ្នាំ២០២៥។

ផ្ទាំងផ្សាយពាណិជ្ជកម្ម

ជាមួយគ្នានេះ គូប្រជែងដូចជា Volkswagen កំពុងរំពឹងថានឹងលក់រថយន្តអគ្គិសនីឲ្យបាន ២២លានគ្រឿងក្នុងរយៈពេល ១០ឆ្នាំទៀត ខណៈ General Motors ចង់លក់រថយន្តអគ្គិសនីឲ្យបាន ១លានគ្រឿងត្រឹមឆ្នាំ២០២៥។

គួរឲ្យដឹងថា បច្ចុប្បន្ននេះក្រុមហ៊ុន Hyundai មានរថយន្តអគ្គិសនីម៉ូដែល Ioniq ដែល​ប្រើ​កញ្ចប់​អាគុយ​ទំហំ ៣៨គីឡូវ៉ាត់ម៉ោង មាន​កម្លាំង១៣៤សេះ អាច​បើកបរ​បាន​ចម្ងាយជិត ៣០០គីឡូម៉ែត្ររាល់​ពេល​សាកភ្លើង​ពេញ​ម្តង។ ក្រៅពីនោះ ក្រុមហ៊ុននេះក៏មានរថយន្ត Hybrid និង Plug-in Hybrid ជាច្រើនម៉ូដែលទៀតផងដែរ៕

ផ្ទាំងផ្សាយពាណិជ្ជកម្ម