ក្រុមហ៊ុនផលិតរថយន្ត Hyundai បានប្រកាសជាផ្លូវការថា ពួកគេនឹងដាក់បង្ហាញចេញនូវរថយន្ត Staria Electric ដែលជារថយន្ត Minivan EV ដំបូងបំផុតរបស់ក្រុមហ៊ុននៅឆ្នាំក្នុង២០២៥។
ចំពោះការផលិតរថយន្តនេះ នឹងចាប់ផ្តើមផលិតកម្មនៅក្នុងរោងចក្រ Ulsan Plant 4 នៅប្រទេសកូរ៉េ ក្នុងខែមករា ឆ្នាំ២០២៥ ខាងមុនេះ។ ក្នុងនោះ Staria Electric ត្រូវបានរំពឹងថានឹងប្រើអាគុយទំហំ ៨៤គីឡូវ៉ាត់ម៉ោង ជំនាន់ទី ៤ ដែលផ្តល់សមត្ថភាពប្រសើរជាងម៉ូដែល ST1 រហូតដល់ ១០ភាគរយ។
គួរបញ្ជាក់ថា ក្រុមហ៊ុន Hyundai គ្រោងលក់រថយន្តនេះចាប់ពីចំនួន ១៥ ០០០ ទៅ ២០ ០០០ គ្រឿងក្នុងមួយឆ្នាំ នៅក្នុងទីផ្សារប្រទេសកូរ៉េខាងត្បូង ហើយក៏ត្រៀមនឹងដាក់លក់នៅតំបន់អឺរ៉ុបនៅក្នុុងឆ្នាំ ២០២៦ ផងដែរ រួមជាមួយគោលដៅក្នុងទីផ្សារអូស្ត្រាលី និងថៃផងដែរ។
ជាមួយគ្នានេះ Staria Electric គឺជាផ្នែកមួយនៃផែនការដ៏ធំមួយរបស់ Hyundai ដើម្បីណែនាំរថយន្តអគ្គិសនីចំនួន ២១ម៉ូដែល មុនឆ្នាំ ២០៣០ ដោយពួកគេគ្រោងនឹងបង្កើនទីផ្សារលក់ដល់ ២ លានជាងគ្រឿង នៅទូទាំងពិភពលោក៕
