ក្រុមហ៊ុន Hyundai បានប្រកាសជាផ្លូវការក្នុងការឈប់ផលិតរថយន្ត Veloster គ្រប់ម៉ូដែល លើកលែងតែ Veloster N ប៉ុណ្ណោះ នៅសហរដ្ឋអាមេរិក។
គួររំលឹកឲ្យដឹងដែរថា កាលពីខែមេសាកន្លងទៅនេះ របាយការណ៍មួយចំនួនបានអះអាងថា ក្រុមហ៊ុនផលិតរថយន្តកូរ៉េខាងលើ នឹងឈប់ផលិតម៉ូដែលមួយចំនួនក្នុងត្រកូល Veloster ដោយសារតែលក់មិនសូវដាច់។
ទោះជាយ៉ាងណា រហូតមកដល់ពេលនេះ ក្រុមហ៊ុន Hyundai ក៏បានបញ្ជាក់យ៉ាងច្បាស់ថា ពួកគេនឹងឈប់ផលិតរថយន្ត Veloster គ្រប់ម៉ូដែល លើកលែងតែ Veloster N ប៉ុណ្ណោះ នៅសហរដ្ឋអាមេរិក។
នៅក្នុងសេចក្តីថ្លែងការណ៍មួយ អ្នកនាំពាក្យក្រុមហ៊ុន Hyundai បានបញ្ជាក់ថា ម៉ូដែល Veloster 2.0, Veloster 2.0 Premium, Veloster R-Spec, Veloster Turbo និង Veloster Ultimate នឹងត្រូវឈប់ចាប់ពីស៊េរីឆ្នាំ២០២២ នេះ។
សូមបញ្ជាក់ថា វាមិនមែនជារឿងគួរឲ្យភ្ញាក់ផ្អើលឡើយលើការសម្រេចចិត្តមួយនេះ ព្រោះថា Hyundai លក់ដាច់រថយន្ត Veloster បានតែចំនួន ៦ ៧៩៥គ្រឿងប៉ុណ្ណោះនៅទូទាំងសហរដ្ឋអាមេរិក ក្នុងឆ្នាំ២០២០៕
