[បរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញនៅរថយន្ត Hyundai Elantra ស៊េរីឆ្នាំ ២០២៥ ជាមួយតម្លៃលក់ចាប់ពី ២១ ៨៧៥ ដុល្លារ ដល់ ៣៥ ៤៥០ ដុល្លារ ។
Hyundai Elantra ផ្តល់ជូននៅជម្រើសម៉ាស៊ីនរួមមាន៖
ផ្ទាំងផ្សាយពាណិជ្ជកម្ម
- ម៉ាស៊ីនសាំងចំណុះ ១,៦ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២០១ សេះ និងកម្លាំងរមួល ២៦៤ ញ៉ូតុនម៉ែត្រ
- ម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង អាចផលិតកម្លាំងបាន ១៤៧ សេះ និងកម្លាំងរមួល ១៧៩ ញ៉ូតុនម៉ែត្រ
- ម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២៧៦ សេះ និងកម្លាំងរមួល ៣៩១ ញ៉ូតុនម៉ែត្រ
- ប្រព័ន្ធ Hybrid ធ្វើការជាមួយម៉ាស៊ីនសាំងចំណុះ ១,៦ លីត្រ និងម៉ូទ័រអគ្គិសនីអាចផលិតកម្លាំងបាន ១៣៩ សេះ និងកម្លាំងរមួល ២៦៤ ញ៉ូតុនម៉ែត្រ មានកម្រិតស៊ីប្រេងខ្ទង់ ៥លីត្រ/១០០គីឡីម៉ែត្រ ដោយប្រើប្រាស់នៅប្រអបលេខអូតូទាំងអស់ ។
រថយន្តនេះ ត្រូវបានបំពាក់ប៉ាណាមួយផ្ទាំងធំ ចង្កៀងមុខ-ក្រោយ LED អូសកាត់ដល់ផ្នែកសងខាង ថាសកង់ស្ព័រទំហំ ១៧អ៉ីញ ។ ខណៈនៅផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១០,២៥ អ៊ីញ ក៏ដូចជាកន្លែងសាកថ្មឥតប្រើខ្សែ រួមទាំងហ្វ្រាំងដៃអេឡិចត្រូនិច ជាមួយមុខងារ Auto Hold ផងដែរ ៕
ផ្ទាំងផ្សាយពាណិជ្ជកម្ម
