ក្រុមហ៊ុន Hyundai បានប្រកាសចេញរថយន្ត Elantra N ស៊េរីឆ្នាំ២០២២ ជាផ្លូវការ ដោយបានអាប់ដេតលើការឌីហ្សាញ ប្រព័ន្ធបច្ចេកវិទ្យា និងធ្វើឲ្យដំណើរការរបស់វា កាន់តែប្រសើរថែមទៀតផង។
រថយន្ត Elantra N ស៊េរីឆ្នាំ២០២២ បំពាក់ជាមួយម៉ាស៊ីនចំណុះ ២,០លីត្រ ទំហំ ៤ស៊ីឡាំង Turbocharged ខណ:វាមានស្លាប Turbine និង Pumps ធំជាងមុន ៥មីលីម៉ែត្រ ជួយអោយវាមានកម្លាំង ២៧៦សេះ និងកម្លាំងបង្វិល ៣៩២ញ៉ូតុនម៉ែត្រ ភ្ជាប់ជាមួយប្រអប់លេខ ៨វគ្គអូតូ។
បន្ថែមពីនេះ វាបានបំពាក់ជាមួយ ដុំហ្រ្វាំងទំហំ ១៤,១អ៊ីញ, Electronic limited-slip differential (ELD), Launch Control System, WRC-inspired integrated drive axle, Electronically-adjustable Suspension និងមុខងារបើកបរ N Grin Shift, N Power Shift និង N Track Sense Shift mode។ ក្នុងករណីប្រើប្រាស់មុខងារ N Grin Shift Mode វាជួយអោយរថយន្តស្ទុះពីល្បឿន ០-៩៦គីឡូម៉ែត្រប្រើពេលត្រឹម ៥,៣វិនាទី និងមានកម្លាំង ២៨៥សេះ។
លើសពីនេះ Hyundai បានអាប់ដេតផ្នែកខាងក្នុងជាមួយអេក្រង់កម្សាន្ត ដែលអាចបង្ហាញអំពីព័ត៌មានសីតុណ្ហភាពនៃប្រេង, ទឹកស្អំម៉ាស៊ីន និងសម្ពាធរបស់ទួរប៊ីន និង Torque ផងដែរ៕
