ទិន្នន័យពី iSeeCars.com បានបង្ហាញថាការលក់ចេញរថយន្តថ្មីនៅខែសីហា ក្នុងទីផ្សារសហរដ្ឋអាមេរិកកាន់តែមានសន្ទុះលឿនជាងមុន ដោយជាមធ្យមប្រើពេល២៦ថ្ងៃអាចលក់ចេញឡានថ្មីមួយគ្រឿង ខណៈដែលកាលពីខែកក្កដាគឺប្រើពេលជាមធ្យម៣៥ថ្ងៃ។
ក្នុងនោះដែររថយន្ត Hyundai Santa Cruz បានក្លាយជារថយន្តថ្មីដែលលក់ដាច់បានលឿនជាងគេ ជាមួយរយៈពេលជាមធ្យមត្រឹម ៨ថ្ងៃ ដែលតាមពីក្រោយដោយរថយន្ត Chevrolet Corvette ដែលប្រើពេលជាមធ្យម ៨,៣ថ្ងៃ។
ផ្ទាំងផ្សាយពាណិជ្ជកម្ម
គួរដឹងថារថយន្តដទៃទៀតដែលស្ថិតនៅក្នុងតំណែងកំពូលទាំង១០ជារថយន្តថ្មីលក់ចេញបានលឿនជាងគេ គឺចំណាយពេលលក់ជាមធ្យមមិនដល់១០ថ្ងៃនោះទេ ដែលនិន្នាការនេះទំនងជានឹងបន្តកើតមាននៅខែបន្ទាប់។
iSeeCars.com ទទួលបានទិន្នន័យ តាមរយៈការដែលបានធ្វើការវិភាគលើរថយន្តថ្មីជាង១លានគ្រឿង ដែលបានលក់ចេញនីសហរដ្ឋអាមេរិកកាលពីខែសីហាកន្លងទៅ៕
ផ្ទាំងផ្សាយពាណិជ្ជកម្ម
