[បរទេស] ក្រុមហ៊ុនផលិតរថយន្ត Hyundai បានកំពុងអភិវឌ្ឍរថយន្តសម្រាប់ប្រើប្រាស់ក្នុងក្រុងខ្នាតតូចចំនួន ២ ដែលមានតម្លៃក្រោម ២០ ០០០ ដុល្លារ ដោយទំនងជាថាមួយក្នុងចំណោមពួកគេនឹងជារថយន្តអគ្គិសនីដូចទៅនឹងរថយន្ត i10 ថ្មី ខណៈមួយទៀតនឹងជាប្រភេទ Crossover ស្រដៀងទៅនឹង Casper នៅទីផ្សារអឺរ៉ុប។
ខណៈពេលដែលម៉ូដែល ២ របស់ Hyundai ទំនងជាផលិតផ្អែកលើស្ថាបត្យកម្ម K1 architecture ។ លើសពីរថយន្តរបស់ EU-spec ទំនងជានឹងអភិវឌ្ឍបន្ថែមទៀតនៃប្រព័ន្ធជើងក្រោម ដែលនាំមកនៅការកែលម្អគុណភាពក្នុងការបើកបរប្រកបដោយសុវត្ថិភាព និងប្រសិទ្ធភាពដើម្បីបំពេញតម្រូវការអ្នកទិញនៅអឺរ៉ុប និងបទប្បញ្ញត្តិសុវត្ថិភាព។
បើនិយាយអំពីលក្ខណៈបច្ចេកទេស ក្រុមហ៊ុន Hyundai បានបញ្ជាក់ថា រថយន្តអគ្គិសនីខ្នាតតូចនាពេលអនាគតរបស់ខ្លួននឹងភ្ជាប់មកជាមួយ iDM module ដែលមានប្រភពមកពី BorgWarner និងម៉ូទ័រអគ្គិសនីចំនួន ១ អាចផលិតកម្លាំងបានដល់ទៅ ១៨១ សេះ ។
គួរបញ្ជាក់ផងដែរ Hyundai នៅមិនទាន់បញ្ចេញព័ត៌មានជាក់លាក់នៅឡើយទេ ប្រសិនបើរបាយការណ៍អំពីរថយន្តអគ្គិសនីខ្នាតតូចនេះជាការពិត នោះអនាគតរបស់រថយន្ត Hyundai នឹងបង្ហាញខ្លួនជាលើកដំបូងសម្រាប់ពាក់កណ្តាលឆ្នាំ ២០២៣ និងចុងឆ្នាំ ២០២៤ ៕
