[បរទេស] ក្រុមហ៊ុនផលិតរថយន្ត Jaguar Land Rover (JLR) នឹងផ្អាកការនាំចេញរថយន្តទៅកាន់សហរដ្ឋអាមេរិកក្នុងខែមេសា ឆ្នាំ ២០២៥ បន្ទាប់ពីការសម្រេចចិត្តដែលធ្វើឡើងទាក់ទង នឹងអត្រាពន្ធថ្មីដែលបានអនុវត្តដោយលោក Donald Trump ។
ក្នុងនោះ ឧស្សាហកម្មរថយន្តរបស់ចក្រភពអង់គ្លេសកំពុងរងការប៉ះពាល់យ៉ាងខ្លាំងដោយពន្ធថ្មី យោងតាមទិន្នន័យពីសមាគមក្រុមហ៊ុនផលិតរថយន្ត (SMMT) សហរដ្ឋអាមេរិកគឺជាទីផ្សារធំទី ២ សម្រាប់ការនាំចូលរថយន្តរបស់ចក្រភពអង់គ្លេសបន្ទាប់ពីសហភាពអឺរ៉ុបដែលមានចំនួនជិត ២០% នៃការនាំចេញសរុប។
គឺឲ្យដឹងថា Jaguar Land Rover គឺជាក្រុមហ៊ុនផលិតដ៏ធំបំផុតមួយរបស់ប្រទេសចក្រភពអង់គ្លេស ដោយលក់រថយន្តប្រហែលបានចំនួន ៤០០ ០០០ គ្រឿងក្នុងមួយឆ្នាំ ខណៈចំនួន ២៥% នៃចំនួនសរុបនេះ ជារថយន្តដែលលក់នៅសហរដ្ឋអាមេរិក រួមទាំង Range Rover Sport ឬ Defender ផងដែរ។
បច្ចុប្បន្ននេះ សារពើភ័ណ្ឌនៅសហរដ្ឋអាមេរិករបស់ JLR នៅតែគ្រប់គ្រាន់សម្រាប់បម្រើតម្រូវការអតិថិជនសម្រាប់រយៈពេល ១ ឬ ២ខែប៉ុណ្ណោះ ។ ទោះជាយ៉ាងណាក៏ដោយ ប្រសិនបើក្រុមហ៊ុនមិនអាចចេញដំណោះស្រាយដើម្បីលើពន្ធ ២៥% នោះ រថយន្ត Range Rover, Defender ឬ Jaguar ទំនងជានឹងឡើងថ្លៃទៅតាមនឹងផងដែរ ៕
