ក្រុមហ៊ុន Jeep ទើបតែបានប្រកាសចេញរថយន្តម៉ូដែល Wrangler ស៊េរីឆ្នាំ២០២៣ ដោយទទួលបានការអាប់ដេតថ្មីជាច្រើន គួរឲ្យចាប់អារម្មណ៍។
ចំពោះស៊េរីថ្មីនេះ វាបានបន្ថែមជម្រើសពណ៌ថ្មីចំនួន ២ ដែលមានឈ្មោះថា Earl (ប្រផេះ) និង Reign (ក្រហម)។ ជម្រើសពណ៌ថ្មីនេះមានតម្លៃ ៣៩៥ដុល្លារ និង ៤៩៥ដុល្លារ។
ផ្ទាំងផ្សាយពាណិជ្ជកម្ម
ជាមួយគ្នានេះ រថយន្ត Wrangler ឆ្នាំ២០២៣ បានបន្ថែមម៉ូដែលពិសេសថ្មី ហៅថា Freedom Edition ដែលបន្ថែមកាងមុខ winch-capable steel front bumper, rock rails, យ៉ាន់ខ្មៅ, កាងរបាំងភក់ body-color fender flares, ចង្កៀងមុខ LED និង អំពូលកាត់អ័ព្ទ LED ផងដែរ។
ទោះបីជាយ៉ាងណាក៏ដោយ ចំពោះស៊េរីឆ្នាំ២០២៣ នេះវានៅតែបំពាក់ម៉ាស៊ីនដដែលគឺ៖
- ម៉ាស៊ីនចំណុះ ៣,៦លីត្រ Pentastar V6 មានកម្លាំង ២៨៥សេះ និងកម្លាំងរមួល ៣៥៣ញ៉ូតុនម៉ែត្រ
- ម៉ាស៊ីន mild-hybrid ចំណុះ ២,០លីត្រ turbocharged ទំហំ ៤ស៊ីឡាំង មានកម្លាំង ២៧០សេះ និងកម្លាំងរមួល ៤០០ញ៉ូតុនម៉ែត្រ
- ម៉ាស៊ីនចំណុះ ២,០លីត្រ turbocharged ទំហំ ៤ស៊ីឡាំង plug-in hybrid និងម៉ូទ័រអគ្គិសនីចំនួន២
- ម៉ាស៊ីនចំណុះ ៣,០លីត្រ V6 EcoDiesel មានកម្លាំង ២៦០សេះ និងកម្លាំងរមួល ៦០០ញ៉ូតុនម៉ែត្រ
- ម៉ាស៊ីនចំណុះ ៦,៤លីត្រ Hemi V8 មានកម្លាំង ៤៧០សេះ និងកម្លាំង ៦៣៧ញ៉ូតុនម៉ែត្រ
ផ្ទាំងផ្សាយពាណិជ្ជកម្ម
