(សហរដ្ឋអាមេរិច) រដ្ឋបាលសុវត្ថិភាពចរាចរណ៍ផ្លូវគោកជាតិ National Highway Traffic Safety Administration ឬហៅកាត់ថា NHTSA បានចេះសេចក្តីជូនដំណឹងអំពីការប្រមូលរថយន្ត Jeep Wrangler ឆ្នាំ២០២០ ដែលដំណើរការដោយម៉ាស៊ីនសាំងចំណុះ ២,០លីត្រ នៅសហរដ្ឋអាមេរិច។
ជាមួយសេចក្តីជូនដំណឹងអំពីការប្រមូលរថយន្ត Jeep Wrangler ឆ្នាំ២០២០ មកវិញនេះ បានបង្ហាញថាបំពង់ភ្ជាប់ម៉ាស៊ីនបូមប្រេង ដែលមានសម្ពាធខ្ពស់អាចប្រេះបែក ដោយវាអាចលេចចេញប្រេងសាំងចូលបន្ទប់ម៉ាស៊ីនដែលអាចបង្កើតអោយមានហានិភ័យកើតឡើង។ Jeep បាននិយាយថាបំពង់ភ្ជាប់ម៉ាស៊ីនបូមប្រេងត្រូវបានប្រើប្រាស់នៅចន្លោះថ្ងៃទី ២៤ ខែមករា ឆ្នាំ២០២០ រហូតដល់ថ្ងៃទី ១៨ ខែមីនា ឆ្នាំ២០២០។
ផលប៉ះពាល់រួមមានម៉ូឌែល Wrangler ដែលមានទ្វារពីរ និងទ្វាបួន ដែលបានផលិតនៅចន្លោះថ្ងៃទី ២៤ ខែមករាឆ្នាំ ២០២០ និងថ្ងៃទី ១៨ ខែមីនាឆ្នាំ ២០២០ សរុបចំនួន ១៤ ៤១០ គ្រឿង ដែលចំនួន ១ ភាគរយនៃរថយន្តត្រូវបានប៉ាន់ប្រមាណថាមានឧបករណ៍ភ្ជាប់ខូច។
ក្រុមហ៊ុន Jeep នឹងចាប់ផ្តើមជូនដំណឹងដល់ក្រុមហ៊ុនចែកចាយ និងម្ចាស់រថយន្តនៅប្រហែលថ្ងៃទី ១៥ ខែតុលាឆ្នាំ ២០២១ ដោយក្រុមហ៊ុន Fiat Chrysler Automobiles នឹងចំណាយថ្លៃជួសជុលបញ្ហានេះជូនម្ចាស់រថយន្តដែលមានបញ្ហា៕
