ក្រុមហ៊ុនបុត្រសម្ព័ន្ធរបស់ Chery គឺ Jetour បានប្រកាសថា ពួកគេនឹងបញ្ជេញរថយន្ត Off-Road ស៊េរីថ្មីដែលមានឈ្មោះថា Jetour Zhongheng ។ ម៉ូដែលនេះ នឹងត្រូវបង្ហាញខ្លួនជាផ្លូវការនៅសន្និសិទសារព័ត៌មានដែលរៀបចំឡើងនៅថ្ងៃទី ២២ ក្នុងខែមករា ខាងមុខនេះ។ គោលដៅសំខាន់ គឺដើម្បីប្រកួតប្រជែងជាមួយរថយន្ត Off-Road ដ៏ល្បីល្បាញដូចជា Tank, Jeep និង Land Rover ។
ក្នុងនោះ រថយន្ត Jetour Zhongheng នឹងប្រើប្រាស់នូវបច្ចេកវិទ្យាចុងក្រោយបង្អស់របស់ក្រុមហ៊ុន Huawei និង Luxeed ដើម្បីរួមចំណែកលើការបង្កើតរថយន្ត Off-Road ស៊េរីថ្មីដ៏ប្រណិតមួយម៉ូឌែលនេះ។ ទន្ទឹមនឹងនេះ ព៌ត័មានលម្អិតផ្សេងៗខាងក្រុមហ៊ុនមិនទាន់ដាក់បង្ហាញចេញនៅឡើយទេ ប៉ុន្តែនឹងប្រើប្រាស់នូវបច្ចេកវិទ្យា Hybrid ថ្មី។
គួរឲដឹងថា ក្រុមហ៊ុន Jetour មានគោលដៅក្លាយជាក្រុមហ៊ុនដែលមានទីផ្សារធំជាងគេលើការលក់ និងការផលិតរថយន្តប្រភេទ SUV Off-Road ដ៏ប្រណីតមួយឈានមុខគេនៅលើពិភពលោក៕
ផ្ទាំងផ្សាយពាណិជ្ជកម្ម
ផ្ទាំងផ្សាយពាណិជ្ជកម្ម
