Kia បានប្រកាសចេញលក់រថយន្ត SUV ខ្នាតតូចម៉ូដែល Kia Sonet នៅទីផ្សារប្រទេសឥណ្ឌូណេស៊ី ដោយមានជម្រើសចំនួន ៦ប្រភេទ និងមានតម្លៃចាប់ពីប្រមាណ ១៣ ៦០០ដុល្លារ ដល់ ២០ ៤០០ដុល្លារ។
រថយន្ត Kia Sonet ទាំង៦ប្រភេទ គឺមានប្រើប្រាស់ម៉ាស៊ីន Smartstream ចំណុះ ១,៥លីត្រ ៤ស៊ីឡាំង ដែលផលិតកម្លាំងបាន ១១៣សេះ ដូចគ្នា។ អតិថិជនអាចជ្រើសរើសរវាងប្រអប់លេខដៃ ៥វគ្គ ឬប្រអប់លេខស្វ័យប្រវត្តិ ៦វគ្គ។
រថយន្តនេះដែរគឺមានបំពាក់ដោយភ្លើងប្រភេទ LED សុទ្ធ, មានជម្រើសដំបូលកញ្ចក់, មានភ្លើងបំភ្លឺពេលថ្ងៃប្រភេទ LED, មានបំពាក់ប្រព័ន្ធសំឡេង Bose ចំនួន៧គ្រាប់, កន្លែងសាកថ្មទូរសព្ទឥតប្រើខ្សែ និងមានរន្ធសាកថ្មសម្រាប់អ្នកដំណើរខាងក្រោយផងដែរ។
គួរដឹងថារថយន្ត Kia Sonet ធ្លាប់បានចេញលក់នៅប្រទេសឥណ្ឌា ដោយវាមានជម្រើសចំនួន ១៥ប្រភេទ ជាមួយតម្លៃចាប់ពី ៩ ២០០ដុល្លារ ដល់ថ្លៃបំផុត ១៦ ៤០០ដុល្លារ៕
