នេះជា Huracan STJ គ្រឿងចុងក្រោយ ដែល Lamborghini បញ្ចេញមុនពេលលាម៉ាស៊ីន V10 របស់ខ្លួន ជាមួយចំនួនកំណត់ ១០គ្រឿងប៉ុណ្ណោះ។
STJ ដែលមកពីពាក្យពេញថា Super Trofeo Jota គឺអភិវឌ្ឍឡើងផ្អែកនៅលើ STO និងបំពាក់ជាមួយម៉ាស៊ីន Naturally Aspirated ៥,២លីត្រ ដែលអាចផលិតកម្លាំងបាន ៦៣១សេះ និងកម្លាំងរមួល ៤១៧ផោនហ្វីត ផ្គូរផ្គង់ជាមួយប្រអប់លេខ Dual-Clutch ៧វគ្គស្វ័យប្រវត្តិ។
ចំពោះម៉ូឌែលនេះ វិស្វកររបស់ Lamboghini បានធ្វើការផ្លាស់ប្តូរមួយចំនួនដូចជាប្រព័ន្ធ Technical និងរូបរាងនៃរថយន្តជាមួយពណ៌តួរខ្លួនពណ៌ខៀវរំលេចជាមួយក្រហម ស និងខ្មៅ សម្រាប់ដំបូល។ បន្ថែមពីនេះម្ចាស់រថយន្តនេះក៏អាចធ្វើការ Customiz ស្លាកនៅផ្នែកកៅអីខាងអ្នករួមដំំណើរផងដែរ។
គួរបញ្ជាក់ថាម៉ូឌែលពិសេសទាំង១០ បានរកឃើញម្ចាស់របស់វារាងៗខ្លួនហើយ ដូច្នេះយើងមានតែពាក្យ លាប៉ុណ្ណោះ ដោយទិញអត់ទាន់ទេ ហើយរង់ចាំម៉ូឌែល PHEV ថ្មីនៅឆ្នាំក្រោយប៉ុណ្ណោះ៕
