[បរទេស] កាលពីពេលថ្មីៗកន្លងទៅនេះ នាយកប្រតិបត្តិ ក្រុមហ៊ុនផលិតរថយន្ត Supercar របស់អ៊ីតាលី Lamborghini លោក Stephan Winkelmann បានប្រាប់កាសែតអាល្លឺម៉ង់ Welt ថា រថយន្តដែលដំណើរការដោយថាមពលចំហេះក្នុងត្រូវបានលក់អស់ ដូច្នេះចាប់ពីពេលនេះតទៅ ក្រុមហ៊ុននឹងផលិតតែរថយន្តដោយប្រើម៉ាស៊ីនកូនកាត់ hybrid ឬអគ្គិសនីសុទ្ធប៉ុណ្ណោះ។
គួរឲ្យដឹងថា ជំហានដំបូងក្រុមហ៊ុននឹងបង្ហាញម៉ូដែល plug-in hybrid ដើម្បីជំនួសរថយន្ត Aventador, Huracan និង Urus SUVs និងនៅចុងឆ្នាំ ២០៣០ ក្រុមហ៊ុន Lamborghini គ្រោងនឹងចេញនូវរថយន្តម៉ូដែលអគ្គិសនីដំបូងបង្អស់របស់ម៉ាកយីហោនេះផងដែរ។
ជាមួយគ្នានេះ ក្រុមហ៊ុន Lamborghini ក៏បានធានាដល់អតិថិជនផងដែរថា ការចេញលក់រថយន្ត Hybrid ឬ អគ្គិសនីសុទ្ធ នឹងមិនបាត់បង់ឫសគល់របស់ក្រុមហ៊ុន ដោយលោក Winkelmann បានសង្កត់ធ្ងន់ថា អតិថិជន Lamborghini នឹងនៅតែរីករាយជាមួយភាពរំភើបនៃថ្ងៃនោះ។ ដំណើរការរថយន្ត ខណៈពេលដែលកាត់បន្ថយផលប៉ះពាល់អវិជ្ជមាននៃការបំភាយឧស្ម័នមកលើបរិស្ថាន។
ជាការពិត ឧស្សាហកម្មរថយន្តសកលកំពុងស្ថិតក្នុងដំណើរការផ្លាស់ប្តូរទៅជារថយន្តអគ្គិសនីសុទ្ធ និងកូនកាត់ hybrid ការផ្លាស់ប្តូរនេះធ្វើឡើងមិនត្រឹមតែនៅក្នុងរថយន្តធម្មតាប៉ុណ្ណោះទេ ប៉ុន្តែថែមទាំងចូលទៅក្នុងផ្នែករថយន្តទំនើបផងដែរ ដូចដែល Rolls-Royce ថ្មីៗនេះបានបង្ហាញអំពីរថយន្តអគ្គិសនីដំបូងគេរបស់ខ្លួនដែលមានឈ្មោះថា Spectre ផងដែរ ។
គួរបញ្ជាក់ផងដែរ រថយន្តប្រភេទ Plug-in Hybrid ដំបូងបង្អស់របស់ Lamborghini គឺ Revuelto ត្រូវបានគេរំពឹងថានឹងបង្ហាញខ្លួននៅឆ្នាំ ២០២៣ រថយន្តនេះត្រូវបានបំពាក់ដោយម៉ាស៊ីន V12 រួមបញ្ចូលគ្នានូវម៉ូទ័រអគ្គិសនីចំនួន ៣ ផលិតកម្លាំងបានលើសពី ១០០០ សេះ ។
