រថយន្ត Lamborghini Urus បានបំបែកកំណត់ត្រាថ្មីមួយ ដោយបានក្លាយជារថយន្តដែលអាចបើកបរលើបឹងកក Baikal នៅប្រទេសរុស្ស៊ីបានល្បឿនលឿនជាងគេ។
កំណត់ត្រាដែលបានកត់ត្រាអំឡុងកម្មវិធី Days of Speed ដែលរៀបចំឡើងនៅចន្លោះថ្ងៃទី១០ និងទី១៣ ខែមីនា គេបានឃើញថារថយន្ត SUV របស់អ៊ីតាលីមួយនេះអាចរត់បានដល់ល្បឿន ២៩៨គ.ម/ម៉នៅលើបឹងកក Baikal ដែលល្បឿននេះគឺទាបជាងពេលរត់សាកល្បងត្រឹមតែ ៤គ.ម/ម៉ប៉ុណ្ណោះ។
ផ្ទាំងផ្សាយពាណិជ្ជកម្ម
គួរដឹងថាប្រសិនបើសម្រាប់ការរត់លើផ្ទៃដីធម្មតា រថយន្ត Urus អាចស្ទុះពី ០ ដល់ ១០០គ.ម/ម៉ក្នុងពេលត្រឹម ៣,៦វិនាទី និងអាចរត់ដល់ ២០០គ.ម/ម៉ ក្នុងពេល ១២,៨វិនាទី ហើយវាអាចបើកបរដល់ល្បឿនលឿនបំផុតគឺ ៣០៥គ.ម/ម៉។ រថយន្តនេះមានបំពាក់ម៉ាស៊ីន Twin-Turbo ចំណុះ ៤,០លីត្រ ៨ស៊ីឡាំង ដែលអាចផលិតកម្លាំងបាន ៦៤១សេះ៕
ផ្ទាំងផ្សាយពាណិជ្ជកម្ម
