Land Cruiser ស៊េរីថ្មីលក់ដាច់ពេកផលិតមិនទាន់ ដល់ថ្នាក់ត្រូវចាំមួយឆ្នាំទើបបានឡានជិះ

ទស្សនាវដ្ដីជប៉ុន Car Watch បានរាយការណ៍ថាការកុម្ម៉ង់ទិញរថយន្ត Land Cruiser ស៊េរីថ្មីនៅថ្ងៃនេះនៅឯប្រទេសជប៉ុន អតិថិជននឹងត្រូវធ្វើការរង់ចាំយ៉ាងលឿនបំផុតមួយឆ្នាំ ទើបទទួលបានរថយន្តដល់ដៃ។

នេះក៏ដោយសារតែមានមនុស្សជាច្រើនបានសម្រុកទិញរថយន្ត Land Cruiser ជំនាន់ថ្មីនៅជប៉ុន ធ្វើឲ្យការផលិតមិនអាចសម្រេចបានលឿនជូនដល់អតិថិជននោះឡើយ ហើយវាអាចបង្ហាញបានថា Land Cruiser រូបរាងថ្មី ទទួលបានការពេញចិត្តខ្លាំងលើសពីការរំពឹងទុក។

គួរដឹងថា Land Cruiser ជំនាន់ថ្មីមានដាក់លក់នៅប្រទេសជប៉ុនក្នុងតម្លៃចាប់ពីប្រមាណ ៤៦ ៥០០ដុល្លារប៉ុណ្ណោះ ដែលជាតម្លៃធូរថ្លៃជាងគេបើប្រៀបនឹងតម្លៃនៅលើទីផ្សារដទៃទៀត ដោយសាររថយន្តនេះមានផលិតតែនៅរោងចក្រ Toyota ក្នុងប្រទេសជប៉ុនមួយគត់៕