នៅលើទីផ្សារប្រទេសអូស្រ្តាលី រថយន្ត Toyota Land Cruiser 200 Series បានបង្កើតនូវកំណត់ត្រាលក់ថ្មីមួយក្នុងរយៈពេល៦ខែដំបូងនៃឆ្នាំ២០២១នេះ ទោះបីជារថយន្ត Land Cruiser 300 Series នឹងមានដាក់លក់ឆាប់ៗក្ដី។
Toyota អាចលក់រថយន្ត LC 200 Series បានសរុបរហូតដល់ ១០ ៨០៣គ្រឿង ក្នុងរយៈពេល៦ខែដំបូងនៃឆ្នាំ២០២១ ដែលមានកំណើន ៧០,៣% បើធៀបនឹងពេលដូចគ្នាកាលពីឆ្នាំ ២០២០។ ក្នុងនោះដែរនៅខែមិថុនា ក្រុមហ៊ុនអាចលក់រថយន្តនេះបាន ១ ០៣៥គ្រឿង។
ផ្ទាំងផ្សាយពាណិជ្ជកម្ម
ការកើនឡើងនូវតម្រូវការដែលលើសពីការរំពឹងទុករបស់ Toyota Australia នេះ ក៏បានធ្វើឲ្យរថយន្ត Land Cruiser ប្រើប្រាស់ម៉ាស៊ីន៨ស៊ីឡាំងប្រភេទមួយទឹក មានការឡើងថ្លៃផងដែរ។
បន្ថែមពីនេះ វាបានធ្វើឲ្យ Land Cruiser វ៉ាដាច់គូប្រជែងរបស់ខ្លួនគឺរថយន្ត Nissan Patrol ដោយគិតត្រឹមដំណាច់ខែមិថុនាកន្លងទៅរថយន្ត Nissan Patrol អាចលក់ចេញបាន ១ ៤៥៣គ្រឿងប៉ុណ្ណោះ៕
ផ្ទាំងផ្សាយពាណិជ្ជកម្ម
