![cover-Recovered](https://camboauto.com/wp-content/uploads/2022/08/cover-Recovered-54-696x364.jpg)
[បរទេស] ក្រុមហ៊ុនកែច្នៃរថយន្តមួយមានឈ្មោះថា Hussain Albagali បានធ្វើការយករថយន្ត Land Rover Defender ដែលត្រូវបានគេស្គាល់ថាជារថយន្ត SUV ពូកែ Off-Road ទៅកែច្នៃជារថយន្តប្រភេទ 6×6 ក្នុងទម្រង់ឌីជីថល ក្រោមគំនិតដែលអោយឈ្មោះថា “UK Bastard” ។
ក្រុមហ៊ុនកែច្នៃនេះបានបន្ថែមថាសកង់ទំហំធំទាំង ៦ ដែលធ្វើឲ្យរថយន្ត Defender មើលទៅដូចរថយន្ត post-apocalyptic ។ ក្នុងនោះ Hussain Albagali ក៏បានបន្ថែមនៅឃ្លុបខាងក្រោយ ដោយបំប្លែងរថយន្ត SUV ទៅជារថយន្តភីកអាប់ Double-cab pickup។ ម៉ូដែល 3D ត្រូវបានរចនាឡើងផ្អែកលើ Defender 110 ជំនួសឲ្យម៉ូដែលតួខ្លួនវែង Defender 130។
ក្រឡេកទៅមើលការរចនាវិញ រថយន្តនេះបំពាក់ជាមួយប៉ាណាមុខបិតជិតជាប់ជាមួយកាងរន្ធខ្យល់ គម្របម៉ាស៊ីនត្រូវបានរចនាមើលទៅកាន់តែរឹងមាំ ជាមួយរបារដែក និង LED បន្ថែមនៅខាងមុខ និងដំបូល roof rail។ បន្ថែមពីនេះ ម៉ូដែលនេះផ្ទុកទៅដោយសំបកកង់សាគួរទំហំធំចំនួន ៣ នៅឃ្លុបខាងក្រោយផងដែរ ។
ប្រសិនជារថយន្តនេះអាចផលិតចេញជារូបរាងនោះ រថយន្ត Defender 6×6 UK Bastard អគ្គិសនីសុទ្ធនេះត្រូវបានគេរំពឹងថានឹងអាចផលិតកម្លាំងបានដល់ទៅ ១ ៤០០ សេះ និងកម្លាំងរមួល ១៥ ៥០០ ញ៉ូតុនម៉ែត្រ អាចបង្កើនល្បឿនពី ០-១០០ គីឡូម៉ែត្រ ក្នុងរយៈពេល ៦ វិនាទី។