រថយន្ត Land Rover Defender គឺជារថយន្តមួយប្រភេទ ដែលមានសម្ថភាពខាង off-road ដែលពេលបច្ចុប្បន្នកំពុងមានវត្តមាននៅលើទីផ្សារ។ ស្របពេលនេះដែរ ក្រុមហ៊ុន Chelsea Truck បានធ្វើការរចនារថយន្ត Defender ឲ្យកាន់តែពិសេសដែលធ្វើឲ្យគ្រប់គ្នាអោយចាប់អារម្មណ៍យ៉ាងខ្លាំង ជាពិសេសគឺមានភាពទាក់ទាញជាមួយនឹងពណ៌ទឹកក្រូចនៅគម្របម៉ាស៊ីន និងកាងខាងមុខ។ វាត្រូវបានគេអោយឈ្មោះថា “ Vesuvisu “ ដោយសារតែការលេងពណ៌ទៅលើរថយន្តប្រភេទ SUV របស់អង់គ្លេសមួយនេះ។ ហើយអ្នកទាំងអស់គ្នា អាចបង្ហាញពីអារម្មណ៌របស់អ្នក ថាតើវាស្អាតជាង រថយន្ត Defender ដែលមិនទាន់កែឆ្នៃដែរឬទេ?
ក្រៅពីរូបរាងខាងក្រៅពណ៌ទឹកក្រូចនេះហើយ ក្រុមហ៊ុន Chelsea Truck ក៏បានបំពាក់នូវកង់ប្រភេទ RS-Forged ពណ៌ខ្មៅ ទំហំ ២២អ៊ីញ និងប៉ាណាខាងមុខពណ៌ខ្មៅរលើបរលោងផងដែរ។ សម្រាប់រូបរាងផ្នែកខាងក្នុងវិញ មិនត្រូវបានបង្ហាញនោះទេ ប៉ុន្តែគ្រាន់តែបញ្ជាក់ថា មានការបំពាក់ថ្មីទៅលើកៅអីស្បែក រំលេចដោយ Vesuvius ពណ៌ទឹកក្រូចនៅកន្លែងដាក់ដៃ និងប្រអប់លេខ។
រថយន្ត Defender ម៉ូឌែល 110 P300នេះ មានតម្លៃ ៨៦ ២៦១ដុល្លារ ដោយរក្សាទ្រុងទ្រាយដើម គ្មានការកែសម្រួលអ្វីឡើយ ជាមួយម៉ាស៊ីនសាំងចំណុះ ២,០លីត្រ turbocharged ទំហំ ៤ស៊ីឡាំង កម្លាំង ២៩៦សេះ និងកម្លាំងរមួល ៤០០ញូតុនម៉ែត្រ ។
