ទិន្នន័យនៃការសិក្សាប្រចាំឆ្នាំ J.D. Power U.S. Vehicle Dependability Study ត្រូវបានចេញហើយ ដោយលទ្ធផលបង្ហាញថា ម៉ាក Lexus, Porsche និង Kia ជាប់នៅលើកំពូលតារាង ដែលម៉ាករថយន្តគួរឲ្យទុកចិត្តបំផុត។
ការសិក្សាដែលឥឡូវនេះស្ថិតក្នុងឆ្នាំទី ៣២ បានវាស់ចំនួនបញ្ហាក្នុងរថយន្ត ១០០ គ្រឿង (PP100) ដែលបានជួបប្រទះក្នុងរយៈពេល ១២ ខែកន្លងមកដោយម្ចាស់ដើម នៃរថយន្តមានអាយុ ៣ ឆ្នាំ មានន័យថា រថយន្តឆ្នាំ ២០១៨ ត្រូវបានធ្វើតេស្តនៅឆ្នាំ ២០២១ នេះ។
វាគ្របដណ្តប់លើបញ្ហាជាក់លាក់ចំនួន ១៧៧ ដែលបានដាក់ជាក្រុម ដូចជា ផ្នែកសំឡេង / ការទំនាក់ទំនង / ការកម្សាន្ត / មុខងារផែនទី , ម៉ាស៊ីន / ប្រអប់លេខ , កាប៊ីនខាងក្នុង, ផ្នែកខាងក្រៅ, លក្ខណៈពិសេស / ប៊ូតុងបញ្ជា / អេក្រង់ , បទពិសោធន៏ការបើកបរ , មុខងារកម្តៅ / មុខងារបញ្ចេញខ្យល់ / ម៉ាស៊ីនត្រជាក់ និង កៅអីអង្គុយ។
សូមបញ្ជាថា ម៉ាកដែលទទួលបានពិន្ទុកាន់តែទាប គឺកាន់តែល្អ។ J.D. Power បានសម្គាល់ថា ពិន្ទុជាមធ្យមគឺ ១២១ពិន្ទុ ដែលជាតួលេខទាបបំផុតក្នុងប្រវត្តិសាស្រ្តនៃការសិក្សានេះ ហើយស្មើនឹង ១០% ប្រសើរជាងមុន ខណៈឆ្នាំ២០២០ គឺ ១៣៤ពិន្ទុ៕
ខាងក្រោមនេះគឺជាចំណាត់ថ្នាក់សរុប៖
