Lexus នៅតែព្យាយាមបំពាក់បន្ថែមនៅមុខងារទៅលើរថយន្តប្រភេទ Off-Road របស់ខ្លួន ម៉ូដែល GX 460 ដែលនឹងត្រូវបានបន្ថែមបច្ចេកវិទ្យាថ្មី និងជម្រើស Black Line Edition។ បច្ចេកវិទ្យាថ្មីដែលនឹងបំពាក់បន្ថែមទៅលើគ្រប់ម៉ូដែល GX 460 នោះរួមមាន ប្រព័ន្ធជំនួយការចូលចំណត ផែនទី មុខងារបញ្ជារកញ្ចក់ក្តោបអូតូ រួមជាមួយអេក្រង់កំសាន្តថ្មីទំហំ ១០,៣អុីញ ដែលមានមុខងារ Apple CarPlay និង Android Auto រួមជាមួយកម្មវិធី Amazon Alexaផងដែរ។
ក្រៅពីនេះមុខងារសុវត្ថិភាពឆ្លាតវៃស្តង់ដាររួមមាន ប្រព័ន្ធផ្តល់សញ្ញា និងបញ្ឈប់រថយន្ត PCS (រួមទាំងការពារអ្នកថ្នើរជើងឆ្លងកាត់ផងដែរ) ប្រព័ន្ធរក្សាគន្លងផ្លូវ LDA ប្រព័ន្ធភ្លើងហ្វា/កូដស្វ័យប្រវត្តិ និងប្រព័ន្ធកំណត់ល្បឿនថេរ បន្ថយ និងបន្ថែមល្បឿនដោយស្វ័យប្រវត្តិ។ អ្វីដែលពិសេសនោះ អតិថិជនអាចមានជម្រើសប្រភេទថ្មីពិសេសរបស់ GX 460 គឺប្រភេទ Black Line Edition ដែលមានបានបំពាក់លើម៉ូដែល Premium អាចជម្រើសយកពណ៌ខ្មៅសុទ្ធ ពណ៌ខ្មៅលាយក្រម៉ៅដិត សផ្លេក និងពណ៌ត្រអុី (បៃតងក្រម៉ៅ)។
ចំពោះតម្លៃវិញមិនទាន់មានការបញ្ជាក់នៅឡើយទេ ប៉ុន្តែសម្រាប់ប្រភេទ GX 460 Premium ២០២១ មានតម្លៃចាប់ពី ៥៦ ៥៤០ដុល្លារ (ទីផ្សារបរទេស)។
