ក្រុមហ៊ុន Mazda ទើបតែបានប្រកាសចេញរថយន្ត MX-5 ស៊េរីឆ្នាំ២០២១ ប្រភេទថ្មីមួយហៅថា MX-5 RS GT ដែលផ្តល់ទាំងជម្រើសតួខ្លួនបើកដំបូល Roadster និងដំបូលពេញ Black Roof។
រថយន្ត Mazda MX-5 RS GT ថ្មីនេះ នឹងមានលក់តែក្នុងប្រទេសអូស្ត្រាលីប៉ុណ្ណោះ ដោយទទួលបានការអាប់ដេត ដូចជា ហ្វ្រាំង Brembo និង ធុងទឹកស្អំដំណើរការប្រសើរជាងមុន ព្រមទាំងបានកែកុនប្រព័ន្ធបូម ដែលជួយឲ្យរថយន្តដំណើរការកាន់តែប្រសើរជាមុន និងបំពាក់យ៉ាន់ ១៧អ៊ីញ ប្រភេទ Forged Alloy របស់ក្រុមហ៊ុន BBS ទៀតផង។
ផ្ទាំងផ្សាយពាណិជ្ជកម្ម
MX-5 GT RS ប្រើម៉ាស៊ីនសាំង SkyActiv-G ចំណុះ ២,០លីត្រ ទំហំ ៤ស៊ីឡាំង មានកម្លាំង ១៨១សេះ ដំណើរការដោយប្រអប់លេខដៃ ៦វគ្គ។ វានឹងត្រូវដាក់លក់ក្នុងតម្លៃចាប់ពី ៣៥ ០០០ដុល្លារ សម្រាប់ម៉ូដែល GT RS Roadster និង ៣៨ ០០០ដុល្លារ សម្រាប់ម៉ូដែល RS GT Black Roof៕
ផ្ទាំងផ្សាយពាណិជ្ជកម្ម
