ក្រោយការប្រកាសចេញរថយន្ត Mazda CX-50 បានមួយថ្ងៃ រូបរាងរថយន្ត CX-60 ក៏បានបែកធ្លាយជាបន្តបន្ទាប់ ដែលគេបានប្រទះឃើញរថយន្តនេះទំនងជាស្ថិតនៅក្នុងអំឡុងពេលដែលក្រុមការងារកំពុងផលិតវីដេអូពាណិជ្ជកម្ម និងសម្រាប់ការផ្សព្វផ្សាយផ្សេងៗ។
រូបភាពលេចធ្លាយបានបង្ហាញច្បាស់ៗពីរូបរាងរថយន្ត CX-60 ដែលមើលទៅដូចជារថយន្ត SUV ដែលផលិតឡើងសម្រាប់បើកបរលើផ្លូវថ្នល់ ខុសពីរថយន្ត CX-50 ដែលមានរូបរាងដូចជារថយន្តសម្រាប់ Off-Road។ រចនាបថខាងមុខគឺស្រដៀងនឹងរថយន្ត Mazda ដទៃទៀតដែរ ខណៈដែលរូបរាងខាងក្រោយមិនទាន់បានបង្ហាញនៅឡើយទេ។
គួរដឹងថា CX-60 គឺជារថយន្តមួយក្នុងចំណោមរថយន្ត SUV ថ្មីសរុបចំនួន៥ ដែល Mazda គ្រោងប្រកាសចេញនៅឆ្នាំ២០២២ និងឆ្នាំ២០២៣ ដែល CX-60 នេះជាមួយរថយន្ត CX-80 ទំនងជានឹងផលិតសម្រាប់ទីផ្សារអឺរ៉ុប និងប្រទេសជប៉ុន។
ចំណែកឯរថយន្ត Mazda CX-50, CX-70 រួមទាំងរថយន្ត CX-90 ទំនងជាផលិតសម្រាប់ទីផ្សារសហរដ្ឋអាមេរិក ដែលវានឹងមានម៉ាស៊ីនកម្លាំងខ្លាំងជាង រួមទាំងមានជម្រើសបច្ចេកវិទ្យា PHEV ផងដែរ៕
