បងប្អូនបានដឹងហើយថាកាលពីប៉ុន្មានថ្ងៃមុនកន្លងទៅ មានការបែកធ្លាយនូវរូបភាពនៃរថយន្ត Mazda CX-5 ឆ្នាំ២០២២ ចេញពីប្រទេសចិន នាពេលនេះផងដែរក្រុមហ៊ុន Mazda ក៏បានធ្វើការបង្ហាញចេញនូវរថយន្តនេះជាផ្លូវការសម្រាប់ទីផ្សារសហរដ្ឋអាមេរិច ជាមួយការអភិវឌ្ឍន៍លើរូបរាង ប្រព័ន្ធបច្ចេកវិទ្យា ម៉ាស៊ីនថ្មី និងជាពិសេសលើសាកស៊ី(Chassis)។
ក្រុមហ៊ុន Mazda បានរក្សាការផ្លាស់ប្តូរថ្មីទៅលើផ្នែកខាងក្រៅនៃរថយន្ត Mazda CX-5 កាងខាងមុខ-ក្រោយត្រូវបានរចនាថ្មី បន្ថែមជាមួយការឌីស្សាញថ្មីលើប៉ាណាខាងលើអមដោយក្រូមភ្ជាប់ជាមួយអំពូល LED ថ្មី, ថាសកង់ថ្មី និងចង្កៀងក្រោយ LEDស្លីមជាងមុន។
រីឯផ្នែកខាងក្នុងទទួលបានការអភិវឌ្ឍន៍ទៅលើ កៅអី, កន្លែងសាកថ្មឥតខ្សែនៅក្នុង Console កណ្តាល, អេក្រង់កម្សាន្តទំហំ ១០,២៥អ៊ីញ និង Mazda intelligent Drive Select(Mi-Drive) ដែលរួមបញ្ជូលជម្រើសបើកបរថ្មី Off-Road Mode។ ចំណែកប្រព័ន្ធសុវត្តិភាពបានធ្វើអោយប្រសើជាមួយ i-Activesense system ដែលរួមបញ្ជូល Cruising & Traffic Support(CTS)។
ម៉ូឌែលឆ្នាំ ២០២២នេះ បានជំនួស Grand Touring Reserve trim ជាមួយម៉ូឌែលថ្មី 2.5 Turbo និងម៉ូឌែលខ្ពស់បំផុត 2.5 Turbo Signature។ ដោយបំពាក់ជាមួយម៉ាស៊ីន SkyActiv-G ចំណុះ ២,៥លីត្រ Naturally aspirated ផលិតកម្លាំងបាន ១៨៧សេះ និងម៉ាស៊ីន SkyActiv-G ចំណុះ ២,៥លីត្រ Turbo ផលិតកម្លាំងបាន ២៥០សេះ។ បន្ថែមពីនេះ វាដំណើរការដោយប្រអប់លេខ ៦វគ្គអូតូ និងបំពាក់ស្តង់ដាជាមួយប្រព័ន្ធបើកបរប៉ុងពី i-Active AWD។
សម្រាប់ព័ត៌មានលម្អិតអំពីជម្រើសម៉ូឌែលនៃ Mazda CX-5 ឆ្នាំ២០២២នេះ និងតម្លៃ ក្រុមហ៊ុននឹងប្រកាសនៅចន្លោះខែកញ្ញា-ធ្នូ។ រថយន្តនេះនឹងរំពឹងថាចេញលក់នៅលើទីផ្សារសហរដ្ឋអាមេរិច នៅចន្លោះខែធ្នូ-មីនា៕
