[ទីផ្សារបរទេស] ក្រុមហ៊ុនផលិតរថយន្ត Mazda បានធ្វើការដាក់បង្ហាញចេញនៅរថយន្ត Mazda CX-60 ស៊េរីឆ្នាំ ២០២៣ ដែលមាន ៣ ម៉ូដែលសម្រាប់ជ្រើសរើស Evolve ,GT និង Azami នៅក្នុងទីផ្សារប្រទេសអូស្ត្រាលី។
Mazda CX-60 បំពាក់ជាមួយប៉ាណាមុខរាងជាសំបុកឃ្មុំ អបសងខាងដោយចង្កៀងប្រភេទ adaptive LED ផ្នែកចំហៀងមានថាសកង់ស្ព័រទំហំ ១៨ អ៊ីញ ដល់ ២០ អ៊ីញ។ ខណៈ ស្តុបខាងក្រោយបំពាក់ដោយអំពូល LED និងទ្វារក្រោយមុខងារបើក-បិទពីចម្ងាយជាដើម។
រីឯនៅផ្នែកខាងក្នុងវិញ ដៃចង្កូតអេឡិចត្រូនិចស្រោបដោយស្បែក, កុងទ័របង្ហាញព័ត៌មានឌីជីថលទំហំ ១២,៣ អ៊ីញ និងអេក្រង់កំសាន្ត touchscreen ទំហំ ១០,២៥ អ៊ីញ, កៅអីអ្នកបើកបរអាចលៃតម្រូវបាន ជាមួយអង្គចងចាំ និងមុខងារកម្តៅ, កាំម៉េរា ៣៦០ ដឺក្រេ, ឧបករណ៍បំពងសំលេងចំនួន ១២ ចំនុចម៉ាក Bose , ប្រព័ន្ធម៉ាស៊ីនត្រជាក់ ២ តំបន់, ឆ្នាំងសាកទូរសព្ទឥតខ្សែ, ដំបូលកញ្ចក់បែប panoramic sunroof, ភ្លើងលម្អ LED ambient lighting និងប្រអប់លេខស្រោបដោយស្បែកផងដែរ។
បន្ថែមពីនេះ ក្រុមហ៊ុនក៏ផ្តល់ជម្រើសកញ្ចប់ចំនួន ៤ សម្រាប់ CX-60 ផងដែរ រួមមានកញ្ចប់ Vision Technology package , កញ្ចប់ Luxury package, កញ្ចប់ Takumi package និងកញ្ចប់ SP package។
ដូចដែលបានបង្ហាញពីមុន រថយន្តនេះមានជម្រើសម៉ាស៊ីនចំនួន ៣ រួមមាន៖
- ម៉ាស៊ីនចំណុះ ៣,៣ លីត្រ turbodiesel ទំហំ ៦ ស៊ីឡាំង អាចផលិតកម្លាំងបាន ២៨០ សេះ និងកម្លាំងរមួល ៤៥០ ញ៉ូតុនម៉ែត្រ ។
- ម៉ាស៊ីនម៉ាស៊ូត ជាមួយប្រព័ន្ធកូនកាត់ mild-hybrid ចំណុះ ៣,៣ turbo ទំហំ ៦ ស៊ីឡាំង អាចផលិតកម្លាំងសរុបបាន ២៥១ សេះ និងកម្លាំងរមួល ៥៥០ ញ៉ូតុនម៉ែត្រ។
- ម៉ាស៊ីនចំណុះ ២,៥ លីត្រ ប្រភេទ Skyactiv-G អាចផលិតកម្លាំងបាន ១៣៤ សេះ ផ្គួបជាមួយអាគុយលីចូមទំហំ ១៧,៨ គីឡូវ៉ាត់ម៉ោង មានកម្លាំង ៣២៣ សេះ និងកម្លាំងរមួល ៥០០ ញ៉ូតុនម៉ែត្រ។
ទាក់ទងនឹងតម្លៃវិញ សម្រាប់ CX-60 Evolve មានតម្លៃចាប់ផ្តើមពី ៣៩ ៧៨១ ដុល្លារ ដល់ ៤៨ ០៩៦ ដុល្លារ។ ខណៈម៉ូដែល CX-60 GT មានតម្លៃចាប់ផ្តើមពី ៤៥ ១០២ ដុល្លារ ដល់ ៥៣ ៥៤៦ ដុល្លារ និងម៉ូដែល CX-60 Azami មានតម្លៃចាប់ពី ៤៩ ៣២៩ ដុល្លារ ដល់ ៥៨ ០៤៣ ដុល្លារ៕
