[បរទេស] កាលពីីពេលថ្មីៗនេះ ក្រុមហ៊ុនផលិតរថយន្ត Mazda បានធ្វើការប្រមូលរថយន្ត CX-90 ស៊េរីឆ្នាំ២០២៤ របស់ខ្លួនមកវិញចំនួន ៩,៩១៤គ្រឿង ដោយសារតែមានកំហុសឆ្គងជាមួយនឹងប្រព័ន្ធហ្វ្រាំងសង្គ្រោះបន្ទាន់ដំណើរការខុសប្រក្រតី។
បញ្ចានេះកើតឡើងដោយសារឧបករណ៍ចាប់សញ្ញាមានបញ្ហាធ្វើឲប្រព័ន្ធហ្វ្រាំងសង្គ្រោះបន្ទាន់ SBS (Smart Brake Support) ដំណើរការខុសប្រក្រតីនៅពេលដែលរថយន្តបើកបរក្នុងល្បឿនទាបធ្វើឲមានការបុកទង្គិចនិងបង្កជាគ្រោះថ្នាក់ដល់រថយន្តកំពុងធ្វើដំណើរនិងអ្នកដំណើរផ្សេងៗទៀត។
ផ្ទាំងផ្សាយពាណិជ្ជកម្ម
គួរបញ្ជាក់ផងដែលថារថយន្តនេះត្រូវបានដាក់បង្ហាញជាផ្លូវការនៅចុងខែមករា ឆ្នាំ២០២៣ ហើយចំពោះបញ្ហាដែលកើតមានឡើងនេះក្រុមហ៊ុននិងធ្វើការជុសជុលដោយឥតគិតថ្លៃ ព្រមទាំងជូនដំណឹងដល់អតិថិជនមុនថ្ងៃទី១៧ ខែឧសភា ឆ្នាំ២០២៤នេះ ឫក៏តាមរយៈគេហទំព័ររបស់រដ្ឋបាលសុវត្ថិភាពចរាចរណ៍ផ្លូវជាតិ (NHTSA) ចំពោះព័ត៌មានផ្សេងៗ។
ផ្ទាំងផ្សាយពាណិជ្ជកម្ម
