ការបំពាក់ម៉ាស៊ីន Skyactiv-G 2.5T Turbocharged គឺជាការអាប់ដេតដ៏សំខាន់មួយសម្រាប់ស៊េរីឆ្នាំ២០២១ ប៉ុន្តែវាមិនមែនជាម៉ាស៊ីនថ្មីតែមួយប៉ុណ្ណោះទេ។
ក្រៅម៉ាស៊ីនកម្លាំង ២៥០សេះខាងលើ Mazda បានបន្ថែមជម្រើសម៉ាស៊ីនមួយទៀត គឺម៉ាស៊ីនសាំង Skyactiv-G 2.0 ប្រភេទ Naturally Aspirated មានកម្លាំង ១៥៥សេះ។ ទោះជាយ៉ាងណា ម៉ាស៊ីនថ្មីនេះមានបំពាក់តែលើម៉ូដែល Mazda3 Sedan ប៉ុណ្ណោះ ហើយប្រើប៉ុងមួយវិលកង់មុខ និងប្រព័ន្ធ G-Vectoring Control Plus មកស្តង់ដារ។
ដោយឡែក ម៉ាស៊ីន Skyactiv-G 2.5 ធម្មតា នៅតែមានបំពាក់ទាំងលើ Mazda3 Hatchback និង Sedan មានកម្លាំង ១៨៦សេះ ហើយប្រើប៉ុងមួយវិលកង់មុខ និងប៉ុងពីរជា Option។
Mazda3 ឆ្នាំ២០២១ មានបំពាក់ប្រព័ន្ធមុខងារសុវត្ថិភាព i-Activsense មកស្តង់ដារ ដោយក្នុងនោះរួមមានមុខងារដូចជា Mazda Radar Cruise Control with Stop and Go Function, Smart Brake Support, Lane Departure Warning with Lane-Keep Assist, Driver Attention Alert និង High Beam Control៕
