[បរទេស] កាលពីឆ្នាំ ១៩៦៧ វិស្វករឈ្មោះ Hans Werner Aufrecht និង Erhard Melcher បានបង្កើតក្រុមហ៊ុនមួយ ហើយសព្វថ្ងៃត្រូវបានគេស្គាល់ថាជា Mercedes-AMG ហើយដើម្បីអបអរដល់ខួបរយៈពេល ៥៥ ឆ្នាំរបស់ខ្លួន ក្នុងនោះ Affalterbach ចាប់ផ្តើមយុទ្ធនាការទីផ្សារម៉ូដែលថ្មីមួយទៀតគឺ Mercedes-AMG One។
យុទ្ធនាការម៉ាកយីហោថ្មីផ្តោតលើប្រធានបទ “55 years – changing the game ” រួមមានរថយន្ត Mercedes-AMG ដូចជារថយន្តប្រណាំង 300 SEL 6.9 AMG រថយន្ត 300 E 5.6 “The Hammer” CLK DTM និង SLS AMG Electric Drive។
ជាការពិតណាស់ Mercedes-AMG One ដែលទើបតែបង្ហាញខ្លួនក្នុងការផលិតដែលដាក់បច្ចេកវិទ្យា Formula 1 លើរថយន្តនេះគឺជាអ្វីដែលសំខាន់បំផុតមួយក្នុងយុទ្ធនាការនេះ។ ក្នុងនោះ Mercedes-AMG អះអាងថា បច្ចេកវិជ្ជាបើកបរកូនកាត់ Hybrid Formula 1 drive technology ត្រូវបានយកចេញពីទីលានប្រណាំងមកកាន់ដងផ្លូវជាលើកដំបូងក្នុងពិភពលោក។
ទន្ទឹមនឹងនេះ ការសិក្សារចនា Vision AMG គឺជាការសម្លឹងមើលទៅអនាគតរបស់ Mercedes-AMG ។ រថយន្ត coupe ទ្វារបួនប្រើប្រាស់គ្រោងឆ្អឹង independent AMG.EA ដែលបច្ចុប្បន្នកំពុងត្រូវបានបង្កើតឡើងសម្រាប់ម៉ូដែលដំណើរការអគ្គិសនីសុទ្ធជាមួយនឹងបច្ចេកវិទ្យា e-drive ។
ជាមួយគ្នានេះ រំពឹងថាយុទ្ធនាការប្រព័ន្ធផ្សព្វផ្សាយសង្គម 360-degree នឹងដំណើរការជាមួយយុទ្ធនាការម៉ាកយីហោខួបលើកទី ៥៥ រួមទាំងបុគ្គលិក AMG បានបង្ហាញពីទំនាក់ទំនងជាមួយ “Changing the game” តាមរយៈបណ្តាញសង្គមរបស់ពួកគេផងដែរ៕
