រថយន្ត Mercedes-Benz E-Class ប្រភេទអគ្គិសនី បានបង្ហាញវត្តមានជាផ្លូវការនៅក្នុងកម្មវិធីតាំងបង្ហាញរថយន្តទីក្រុង Munich ឆ្នាំ២០២១ ដែលវាមានបំពាក់អាគុយទំហំ ៩០គីឡូវ៉ាត់ម៉ោង អាចបើកបរបានចម្ងាយ ៦៦០គីឡូម៉ែត្រ ពេលសាកភ្លើងពេញ។
នៅទីផ្សារអឺរ៉ុប រថយន្តប្រណីត EQE នឹងត្រូវប្រកួតប្រជែងនឹងរថយន្តដូចជា Audi A6 e-tron, BMW i5 និងរថយន្ត Tesla Model S ផងដែរ។
ផ្ទាំងផ្សាយពាណិជ្ជកម្ម
រថយន្ត EQE នេះប្រើប្រាស់ប្រព័ន្ធបើកបរកង់ក្រោយ ដោយមានបំពាក់ម៉ូទ័រអគ្គិសនីដែលអាចផលិតកម្លាំងបាន ២៨៨សេះ។ រថយន្តនេះដែរទ្រាំទ្រនូវបច្ចេកវិទ្យាសាកភ្លើងឆាប់រហ័ស ដែលអាចសាកពី ១០% ដល់ ៨០% ក្នុងពេលត្រឹម ៣១នាទី។
ផ្អែកតាមផែនការ Mercedes EQE នឹងត្រូវផលិតនៅក្នុងពាក់កណ្ដាលឆ្នាំ២០២២ នៅរោងចក្រ Mercedes នៅអឺរ៉ុប ហើយចាប់ពីឆ្នាំ២០២៣ នឹងដាក់លក់នៅសហរដ្ឋអាមេរិក ខណៈដែលប្រភេទសម្រាប់លក់នៅទីផ្សារប្រទេសចិននឹងត្រូវផលិតនៅប្រទេសចិនផ្ទាល់៕
ផ្ទាំងផ្សាយពាណិជ្ជកម្ម
