ក្រុមហ៊ុនរថយន្ត MG បាននាំយកឈ្មោះរថយន្ត MG5 ត្រឡប់មកវិញ ដោយម្ដងនេះគឺវិលត្រឡប់ក្នុងរូបរាងជារថយន្តស្ព័រប្រភេទ Sedan មានរូបរាងយ៉ាងទាក់ទាញបំផុត ជាពិសេសរចនាបថផ្ទាំងប៉ាណាខាងមុខតែម្ដង។
គួរដឹងថា MG5 នេះគឺសម្រាប់លក់នៅទីផ្សារប្រទេសចិនដំបូងគេ ដែលវាជាការអាប់ដេតចេញពីរថយន្ត Sedan MG5 ដែលបានដាក់លក់លើទីផ្សារអន្តរជាតិមួយចំនួន ក្នុងនោះមានទីផ្សារប្រទេសថៃផងដែរ។ រថយន្ត MG5 ថ្មីនេះគឺផលិតឡើងផ្អែកតាមរថយន្ត MG GT សម្រាប់ទីផ្សារប្រទេសចិន ដែលក្រុមហ៊ុនធ្លាប់បានរំសាយចោលកាលពីឆ្នាំ ២០១៨។
MG5 មានប្រវែង ៤៦៧៥ស.ម, ទទឹង ១៨៤២ស.ម, កម្ពសើ ១៤៨០ស.ម និងប្រវែងពីកង់មុខទៅកង់ក្រោយគឺ ២៦៨០ស.ម។ កង់ខាងមុខមានទំហំ ១៦អ៊ីញ និងកង់ខាងក្រោយមានទំហំ ១៧អ៊ីញ។ ម៉ាស៊ីនរបស់វាគឺមានចំណុះ ១,៥លីត្រ ដែលផលិតកម្លាំងបាន ១២០សេះ ហើយក៏មានប្រភេទ ១,៥លីត្រ ប្រភេទ Turbo កម្លាំង ១៧៣សេះដែរ។
MG MG5 នឹងបង្ហាញមុខជាសាធារណៈក្នុងកម្មវិធី Guangzhou Auto Show ដែលគ្រោងធ្វើឡើងនៅខែវិច្ឆិកា ហើយនឹងដាក់លក់លើទីផ្សារនៅដំណាច់ឆ្នាំ ២០២០ នេះ៕
