MG គឺជាម៉ាកយីហោរបស់ចក្រភពអង់គ្លេសដែលបានទទួលសិទ្ធផ្តាច់មុខក្នុងការចែកចាយរថយន្ត MG មកប្រទេសកម្ពុជាដោយក្រុមហ៊ុន TF Motors Cambodia ហើយពួកគេបានអបអរសាទរជាមួយភាពជោគជ័យថ្មីរបស់ខ្លួនក្នុងឆ្នាំ ២០២២ ជាមួយការលក់ចេញចំនួន ១ ០០០ គ្រឿង បន្ទាប់ពីបានសម្រេចនិងទទួលបានការលក់ចេញកើនឡើងដល់ ២០% បើប្រៀបទៅនឹងឆ្នាំ២០២១ ជាមួយនឹងចំនួនរថយន្តដែលបានលក់ចេញជាង ៨៣០ គ្រឿង។ ក្រុមហ៊ុន MG ទទួលបានការកោតសរសើរសម្រាប់ឆ្នាំដ៏អស្ចារ្យនៃឆ្នាំ២០២២ ជាមួយនឹងការប្រគល់ចេញជូនអតិថិជនចំនួន ១ ០០០ គ្រឿង ហើយMG ពិតជារីករាយដែលមានកំណើននៃការគាំទ្រនៅតែបន្តក្នុងប្រទេសកម្ពុជា ដោយសារការពេញនិយមនៃរថយន្តស៊េរីទំនើបប្រភេទស៊ីឌានគឺ MG 6 និង MG GT, Crossover ម៉ូឌែល MG ZS, ប្រភេទ SUV ម៉ូដែល MG HS Trophy និងរថយន្ត SUV ខ្នាតធំដ៏ប្រណីតម៉ូឌែល MG RX8។
ភាពជោគជ័យនៃវត្តមានរថយន្ត MG នៅក្នុងប្រទេសកម្ពុជាមានសំទុះកើនឡើងជាខ្លាំងនាពេលកន្លងមកនេះគឺដោយសារ ផលិតផលដែលមានគុណភាព និងការផ្តល់ជូននូវរថយន្តដ៏ទំនើបទាន់សម័យកាល និងគួរឱ្យទុកចិត្តបំផុតមកកាន់ទីផ្សាររថយន្តថ្មី អមជាមួយតម្លៃសមរម្យ និងមុខងារប្រើប្រាស់ពិសេសៗ។ ឥឡូវនេះ ម៉ាកយីហោ MG គឺជាម៉ាកយីហោល្បីលំដាប់ថ្នាក់លេខ 3 ក្នុងប្រទេសកម្ពុជា បន្ទាប់ពីក្រុមហ៊ុន Toyota និង Ford ។ MG ក៏បានផ្តល់នូវរថយន្តប្រណិតជាមួយនឹងការរចនារូបរាងបែបស្ព័រ, កាប៊ីនធំទូលាយ, ផាសុកភាព, សុវត្ថិភាព និងទាន់សម័យបំផុតដែលស័ក្តសមទៅនឹងតម្រូវការរបស់ប្រជាជនកម្ពុជាយើង។ មិនដូចទៅនឹងម៉ាករថយន្តផ្សេងទៀតនោះទេ គឺ MG បានបំពាក់មកជាមួយនឹងបច្ចេកវិទ្យាថ្មីទំនើបនៃម៉ាស៊ីនសាំងដែលមានចំណុះតូចប៉ុន្តែបានបន្ថែមនូវ ម៉ាស៊ីន Turbo ដើម្បីធ្វើឱ្យថាមពលរបស់រថយន្តកាន់តែខ្លាំង និងស៊ីប្រេងឥន្ធនៈទាប ដែលផ្តល់អត្ថប្រយោជន៍កាន់តែច្រើនសម្រាប់ម្ចាស់រថយន្ត។
ក្រុមហ៊ុន MG បានខិតខំនិងឆ្លើយតបនូវអ្វីដែលជាតម្រូវការរបស់អតិថិជន ដោយផ្តល់នូវផលិតផលល្អមានគុណភាពខ្ពស់ ហើយពួកគេក៏ផ្តល់សេវាកម្មកាន់តែល្អក្នុងការថែទាំ និងជួសជុលរថយន្ត ដោយអ្នកជំនាញដែលមានបទពិសោធន៍ច្រើនឆ្នាំក្នុងជំនាញរថយន្ត អមជាមួយនឹងការអប់រំបណ្តុះបណ្តាលយ៉ាងម៉ត់ចត់ពីរោងចក្រទៀតផង។ លើសពីនេះ រថយន្ត MG ក៏មានការធានារយៈពេល ៣ ឆ្នាំ ឬ ១០០ ០០០Km ដើម្បីធ្វើឱ្យម្ចាស់រថយន្តកាន់តែមានភាពជឿជាក់ក្នុងការប្រើប្រាស់។ នោះហើយជាមូលហេតុដែលអ្នកទិញរថយន្តថ្មីតែងតែនឹកឃើញដល់យីហោ MG មុនគេ និងបានបន្តជំរុញឱ្យមានការរីកចម្រើននៅក្នុងទីផ្សារកម្ពុជាកាន់តែខ្លាំងឡើង។
លោក ពុំ សូរិយា នាយកគ្រប់គ្រងក្រុមហ៊ុន TF Motors Cambodia បានមានប្រសាសន៍ថា “លទ្ធផលលក់ចេញដ៏អស្ចារ្យសម្រាប់យីហោ MG នឹងមិនអាចកើតឡើងបាននោះទេ ប្រសិនបើគ្មានការគាំទ្រដ៏រឹងមាំពីសំណាក់អតិថិជន។ មិនមែនទើបតែឆ្នាំ២០២២ទេដែល MG បានសម្រេចនូវលទ្ធផលជោគជ័យដ៏ធំធេងបែបនេះ ប៉ុន្តែទិន្នន័យលក់បានកើនឡើងខ្ពស់ពីមួយឆ្នាំទៅមួយឆ្នាំចាប់តាំងពី MG បានបង្ហាញវត្តមាននៅក្នុងទីផ្សារប្រទេសកម្ពុជាមកម្លេះ ដោយផ្តល់ជូននូវបច្ចេកវិទ្យាថ្មី, តម្លៃសមរម្យ, ផ្នែកខាងក្នុងនិងរូបរាងខាងក្រៅដ៏ប្រណិតអមជាមួយមុខងារសន្សំសំចៃផ្សេងទៀតជាច្រើន។ លោកក៏បានបន្ថែមទៀតថា ការប្តេជ្ញាចិត្តខ្ពស់និងគោលដៅសម្រាប់ឆ្នាំថ្មី២០២៣នេះ MG នឹងផ្តល់ជូននូវនឹងការមកដល់ថ្មីនៃរថយន្តអគ្គិសនីម៉ូដែល MG Marvel R និង MG RX5 ស៊េរីថ្មី ដើម្បីបំពេញតម្រូវការរបស់អតិថិជន និងផ្តល់នូវភាពទាន់សម័យនៃរថយន្តទំនើបកមកាន់ទីផ្សារតាមសម័យកាល៕
