[ទីផ្សារបរទេស] ការបង្ហាញចេញរថយន្ត Mitsubishi Outlander ថ្មីបានបង្ហាញពីភាពជោគជ័យដ៏ធំធេងសម្រាប់ក្រុមហ៊ុនផលិតរបស់ជប៉ុននៅក្នុងទីផ្សារអាមេរិកខាងជើង។ មួយផ្នែកចំពោះការមកដល់របស់ម៉ាកនេះបញ្ជាក់ថាខ្លួនបានបិទបញ្ចីលក់ក្នុងឆ្នាំ ២០២១ ជាមួយនឹងការកើនឡើង ១៦,៨% ពីមួយឆ្នាំទៅមួយឆ្នាំ។ ខណៈក្នុងត្រីមាសទី ៤ នៃលក់បានចំនួន ២៤,៨៦១ គ្រឿងដែលបានបង្ហាញពីការកើនឡើង ៦៨,៣% លើតួលេខឆ្នាំ ២០២០ ។
ពេញមួយឆ្នាំ Mitsubishi បញ្ជាក់ថា ខ្លួនអាចលក់រថយន្តបានសរុប ១០២ ០៣៧ គ្រឿង។ នេះជាលើកទីបួនហើយដែលយីហោទទួលបានការលក់រថយន្តបានលើសពី ១០០ ០០០ គ្រឿងចាប់តាំងពីឆ្នាំ ២០០៧ មក។ យីហោនេះទទួលស្គាល់យ៉ាងពិសេសនៅភាពជោគជ័យនេះចំពោះការបង្ហាញចេញនៅខែកុម្ភៈរបស់ Outlander កាលពីឆ្នាំមុន។ ម៉ូដែលនេះបានចាប់ផ្តើមត្រីមាសទី៤ ក្នុងខែតុលាដែលជាខែដ៏ល្អបំផុតសម្រាប់ម៉ាកដែលមិនធ្លាប់មាន។
នៅក្នុងខែធ្នូ Outlander បានធានានូវប្រតិបត្តិការលក់ប្រចាំខែដ៏ល្អបំផុតដែលមិនធ្លាប់មានរបស់ខ្លួននៅក្នុងប្រវត្តិសាស្រ្ត ២០ ឆ្នាំ ដែលមានរថយន្ត ១២ ៦០៦ គ្រឿង ត្រូវបានលក់ចេញនៅក្នុងត្រីមាសទី ៤ ។ ពេញមួយឆ្នាំ ២០២១ រថយន្តនេះអាចលក់ចេញបាន ៣៣ ៨៨៣ គ្រឿង ដែលជាការកើនឡើង ២៤,៩% ធៀបនឹងឆ្នាំមុន។ នេះជាការកើនឡើង ៣៣,២% នៃបរិមាណសរុបរបស់ក្រុមហ៊ុនផងដែរ។
ក្រុមហ៊ុន Mitsubishi និយាយថា ជារៀងរាល់ខែនៃត្រីមាសទី ៤ គឺមានសារៈសំខាន់សម្រាប់អាជីវកម្មរបស់ខ្លួន។ ខែវិច្ឆិកាក្នុងឆ្នាំ២០២១ ជាខែល្អបំផុតទី២ និងខែធ្នូល្អបំផុតទី៣ចាប់តាំងពីឆ្នាំ ២០០៦។ ក្រុមហ៊ុនបានសរសើរបន្ថែមទៀតនៅរថយន្តស៊េរីថ្មីដែលទើបនឹងចេញដែលរួមមាន Mirage ២២,៧៤១ គ្រឿងដែលបានលក់ ដែលតំណាងឱ្យការកើនឡើង ១៨,៨% ទោះបីជាមានបញ្ហាប្រឈមនៃសង្វាក់ផ្គត់ផ្គង់បន្តក៏ដោយ។
Mitsubishi Outlander Sport លក់បានចំនួន ៣៤,២១៦ គ្រឿង ដែលបានបង្ហាញពីការកើនឡើង ១៨,៧% ខណៈដែលការលក់ Outlander PHEV មានចំនួន ២,២៥០ គ្រឿង កើនឡើង ១៤,៥%។ ក្រុមហ៊ុនបន្តបញ្ជាក់ថា តម្រូវការផ្គត់ផ្គង់លើសតុល្យភាពពេញមួយឆ្នាំ ២០២១ ជាពិសេសជាមួយ Outlander ដោយសារតែវិបត្តិ៕
